The news is by your side.

Advertisement

مسجد الحرام : نمازیوں کی آسانی کیلئے دروازوں پر نئے نمبر لگانے کا آغاز

مکہ مکرمہ : مسجد الحرام کی انتظامیہ نے نمازیوں کی سہولت کیلئے مسجد کے دروازوں پر نئے نمبر لگانے کا آغاز کردیا ہے، دروازوں کی نمبرنگ عربی اور انگریزی دونوں زبانوں میں کی جارہی ہے۔

تفصیلات کے مطابق مکہ مکرمہ میں مسجد الحرام کے دروازوں پر روشن اور واضح رنگوں سے نئی نمبرنگ شروع کردی گئی ہے، حرم شریف کے دروازوں کی نمبرنگ عربی اور انگریزی دونوں زبانوں میں کی جارہی ہے۔

یہ فیصلہ انتظامیہ نے زائرین کی سہولت کے لیے کیا ہے، غیر ملکی خبر رساں ادارے کے مطابق مسجد کے کنگ فہد والے توسیعی حصے کے دروازے 79سے ان نمبروں کا آغآز تجرباتی طور پر کیا ہے۔

اس تجربے کی کامیابی کے بعد مسجد الحرام کے تمام دروازوں کی روشن رنگوں سے نمبرنگ کا سلسلہ شروع کردیا جائے گا۔

اس سے قبل مسجد الحرام کے دروازوں کے پہلے سے لکھے ہوئے نمبر زائرین کو واضح طور پر نظر نہیں آتے تھے جبکہ یہ نئی نمبر صآف اور واضح ہیں۔

یہ نمبر دائیں سے بائیں کی جانب تحریر کیے جا رہے ہیں۔ ان نمبروں کو 24 گھنٹوں میں نکسی بھی وقت آسانی سے پڑھا جاسکے گا۔ نمازی حضرات کئی فٹ کے فاصلے سے بھی دروازے کا نمبر آسانی سے دیکھ کر رہنمائی حاصل کرسکیں گے۔

Comments

یہ بھی پڑھیں