واشنگٹن: امریکا میں پاکستانی سفیر سے امریکی نمائندہ خصوصی برائے تجارتی امور دلاور سید کی ملاقات ہوئی، پاکستانی نژاد دلاور سید نے پاک امریکا اقتصادی شراکت داری مضبوط بنانے پر زور دیا۔
تفصیلات کے مطابق امریکی نمائندہ خصوصی برائے تجارتی امور دلاور سید کی امریکا میں پاکستانی سفیر مسعود خان سے ملاقات ہوئی، سفیر مسعود خان نے پاکستانی نژاد امریکی نمائندہ خصوصی دلاور سید کو ان کی تقرری پر مبارک باد دی۔
دلاور سید کا کہنا تھا کہ پاک امریکا اقتصادی شراکت داری کو مضبوط بنانے کے منتظر ہیں، باہمی شراکت داری کے وسیع امکانات ہیں۔
انہوں نے کہا کہ سلیکون ویلی دو طرفہ تجارتی تعلقات کو بڑھانے میں کلیدی کردار ادا کرے گی۔
سفیر مسعود خان نے پاکستان میں سرمایہ کاری میں اعتماد پر امریکی حکومت کا شکریہ بھی ادا کیا۔
Ambassador @Masood__Khan met Mr. Dilawar Syed, US Special Representative for Commercial and Business Affairs @BizAtState
@ForeignOfficePk @StateDept #PakUSAt75 pic.twitter.com/w3NYLxQoKs— Pakistan Embassy US (@PakinUSA) June 1, 2022
