بدھ, مئی 29, 2024
اشتہار

ڈپٹی جنرل سیکرٹری سنی علما کونسل مولانا مسعود الرحمان فائرنگ سے جاں بحق

اشتہار

حیرت انگیز

اسلام آباد: ڈپٹی جنرل سیکرٹری سنی علما کونسل مولانا مسعود الرحمان عثمانی نامعلوم مسلح افراد کی فائرنگ میں جاں بحق ہوگئے۔

پولیس کے مطابق مولانا مسعود الرحمان عثمانی کو شدید زخمی حالت میں اسپتال منتقل کیا گیا تھا، غوری ٹاؤن میں نامعلوم موٹر سائیکل سواروں نے ان پر فائرنگ کی تھی۔

دو موٹر سائیکل سواروں نے اندھا دھند فائرنگ کی اور فراد ہوگئے۔ مولانا مسعود الرحمان عثمانی کے ساتھ ان کا ڈرائیور زخمی ہوا ہے۔

- Advertisement -

ترجمان سنی علما کونسل کے مطابق مولانا مسعود الرحمان عثمانی نامعلوم افراد کی فائرنگ سے شہید ہوگئے۔

دوسری جانب ترجمان پولیس نے بتایا کہ تھانہ کھنہ کے علاقے غوری ٹاؤن میں گاڑی پر فائرنگ میں جاں بحق شخص کی شناخت مولانا مسعود الرحمان عثمانی کے نام سے ہوئی۔

پولیس کے مطابق سی سی ٹی وی کی مدد سے ملزمان کو ٹریس کیا جا رہا ہے، جلد ملزمان کو گرفتار کر کے قانون کے کٹہرے میں لایا جائے گا۔

Comments

اہم ترین

مزید خبریں