بھارتی ریاست اتر پردیش میں پٹاخوں کی دکان میں آگ لگنے سے 9 افراد جھلس گئے۔
بھارتی میڈیا کے مطابق پولیس کی جانب سے بتایا گیا ہے کہ یہ واقعہ گزشتہ روز بھارت کے اتر پردیش کے متھرا میں پیش آیا جہاں شاٹ سرکٹ کی وجہ سے آتش بازی کے 7دکانوں میں آگ بھڑک اٹھی۔
پولیس کے مطابق شاٹ سرکٹ کے باعث تار سے چنگاری نکلی جس کی وجہ سے پٹاخوں آگ دکان کے اندر تک پھیل گئی، اس واقعے میں 9 افراد جھلس کر زخمی ہوگئے۔
پولیس نے بتایا کہ ان 7 دکانوں کو دیوالی کے موقع پر پٹاخے فروخت کرنے کی اجازت تھی، واقعہ کے وقت پٹاخہ بازار میں لوگوں کی بھیڑ تھی اور لوگ پٹاخے خریدنے میں مصروف تھے۔
VIDEO | Fire breaks out at a market in Mathura, Uttar Pradesh. More details awaited. pic.twitter.com/KNVqtRg8IG
— Press Trust of India (@PTI_News) November 12, 2023
رپورٹ کے مطابق آگ ایک دکان میں لگی اور کچھ ہی دیر میں اس نے آس پاس کی دکانوں کو اپنی زد میں لے لیا، واقعہ کے بعد موقع پر افراتفری مچ گئی۔
رپورٹ میں کہا گیا کہ ان ہی سات دکانوں کو سب سے زیادہ نقصان پہنچا ہے، جبکہ دکاندار اپنے پٹاخوں کو بچانے کی کوشش میں جھلس کر زخمی ہو گئے۔