منگل, مئی 21, 2024
اشتہار

آج ہونے والے میٹرک امتحانات سے متعلق اہم خبر

اشتہار

حیرت انگیز

کراچی: ثانوی تعلیمی بورد کا کہنا ہے کہ آج ہونے والے میٹرک امتحانات معمول کے مطابق ہوں گے۔

ثانوی تعلیمی بورڈ کے مطابق کراچی میں آج صبح کی شفٹ میں حصہ دوم انگریزی کا پرچہ لیا جائے گا، سہ پہر کی شفٹ میں سِوک، کمپیوٹر سائنس، اور فزیالوجی کا پرچہ منعقد ہوگا۔

صبح کا پرچہ ساڑھے 9 بجے جب کہ سہ پہر کا پرچہ ڈھائی بجے منعقد ہوگا، ناظم امتحانات حبیب اللہ سہاگ اور سیکریٹری میٹرک بورڈ مختلف امتحانی مراکز کا دورہ کریں گے۔

- Advertisement -

ناظم امتحانات کے مطابق میٹرک امتحانات میں مجموعی طور پر 28 امیدواروں کو نقل اور موبائل فون استعمال کرتے پکڑا گیا، امیدواروں سے نقل کا مواد اور موبائل فون برآمد ہوئے۔

ناظم امتحانات کا کہنا ہے کہ اصل امیدوار کی جگہ پرچہ دینے والے دوسرے امیدواروں کے کیسز بھی رپورٹ ہوئے ہیں، تمام امیدواروں کے کیسز ہائی پاور ویجی لینس کمیٹی کے حوالے کر دیے گئے، نیز تمام امیدواروں کو امتحانات کے بعد بورڈ آفس طلب کیا جائے گا۔

Comments

اہم ترین

انور خان
انور خان
انور خان اے آر وائی نیوز کراچی کے لیے صحت، تعلیم اور شہری مسائل پر مبنی خبریں دیتے ہیں

مزید خبریں