کراچی : سندھ پبلک سروس کمیشن کے افسر کے موبائل سے انکشافات پرافسران پریشان ہیں، موبائل فرانزک کے دوران مزید پیپر آوٹ ہونے کا انکشاف ہوا۔
تفصیلات کے مطابق سندھ پبلک سروس کمیشن سے امتحانی پرچہ آؤٹ ہونے کے معاملے پر اسسٹنٹ کنٹرولرامتحانات سندھ زین العالم کے موبائل سے انکشافات پرافسران پریشان ہیں۔
ذرائع کا کہنا ہے سندھ پبلک سروس کمیشن کےافسرکےموبائل سے معلومات فرانزک میں نکل آئیں، موبائل فرانزک کے دوران مزید پیپر آوٹ ہونے کا انکشاف ہوا، خاتون نے اعلیٰ افسر کو گفتگومیں جھانسہ دیکر پیپر حاصل کئے۔
یاد رہے سندھ پبلک سروس کمیشن نے سی سی ای دینے والے سیکڑوں نتائج میں ہیرا پھیری کی ، جس کے انکشاف کے بعد 6 افسران معطل کردیے گئے جبکہ 17 سے 20 گریڈ کے افسران کرپشن میں ملوث پائے گئے ہیں۔
ذرائع کا بتانا تھا کہ سابق چیئرمین پبلک سروس کمیشن نور جادمانی، کنٹرولر ہادی کلہوڑو کرپشن میں ملوث ہیں، اسسٹنٹ کمشنرز، سیکشن آفیسرز، 17 گریڈ کی دیگر پوسٹ کے نتائج تبدیل کئے گئے ہیں۔
