پاکستانی شوبز انڈسٹری کی معروف اداکارہ ماورا حسین کرسمس سے متعلق اپنی پوسٹ پر تنقید کا نشانہ بننے کے بعد میدان میں آگئیں۔
مسیحی برادری کی جانب سے 25 دسمبر کو پورے جوش و خروش سے اپنا مذہبی تہوار کرسمس منایا گیا وہیں شوبز سے وابستہ نامور شخصیات بھی اس تہوار میں شامل ہونے کے سبب تنقید کی زد میں آگئیں۔
View this post on Instagram
فوٹو اینڈ ویڈیو شیئرنگ ایپ انسٹاگرام پر اداکارہ ماورا حسین نے پوسٹ جاری کی تھی جس میں انہیں کرسمس مناتے، گھر کو سجاتے اور مبارک باد دیتے دیکھا گیا تھا۔
سوشل میڈیا صارفین نے ماورا حسین کی ویڈیو پوسٹ سامنے آتے ہی تنقید کے نشتر برسانا شروع کردیئے، اور اُنہیں اسلامی تعلیمات کا غور سے مطالعہ کرنے کا مشورہ دینے لگے۔
ایک صارف کا کہنا ہے کہ آپ نے عمرہ بھی ادا کیا ہے، فلسطین تباہی، ظلم و ستم کا شکار ہے اور آپ یہاں انہیں کرسمس کی مبارکباد دینے میں مصروف ہیں، یہ مناسب نہیں ہے، کچھ تو خیال کریں، اللہ ہم سب کو ہدایت عطا فرمائے۔
ماورا حسین نے جواب میں لکھا کہ،’عقیدہ دل میں ہوتا ہے وہ درخت پر نہیں ہوتا’۔اُن کا مزید کہنا تھا کہ ‘جو کام انہوں نے کیا ہے اس سے اقلیتوں کو ساتھ شامل کرنے کا احساس ہوتا ہے’۔
ساتھ ہی انہوں نے صارفین سے کہا کہ’یہ کام وہ خود کررہی ہے اس لئے ضروری نہیں کہ سب لوگ بھی اس کام کو انجام دیں ‘۔
