تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

سانحہ 9 مئی : خیبر پختونخواہ میں ہونے والے افسوسناک واقعات کی تفصیلات سامنے آگئیں

پشاور : سانحہ نو مئی میں صوبہ خیبر پختونخواہ میں ہونے والے افسوسناک واقعات کی تفصیلات جاری کر دی گئیں۔

تفصیلات کے مطابق سانحہ 9 مئی میں خیبر پختونخوا کے مختلف اضلاع میں سرکاری املاک کے نقصان کی تفصیلات سامنے آگئیں۔

10اور11مئی کو بھی پشاور کے 32 مقامات پرعسکری تنصیبات،سرکاری املاک کو نقصان پہنچایا گیا جبکہ 10 مئی کو خیبر پختونخوا کے 40 مقامات پر شر پسندوں نے شدید توڑ پھوڑ کی۔

دوپہر 3 بجے پشاور میں ریڈیو پاکستان کی عمارت کو نذرآتش کیا گیا اور رات 8 بجے الیکشن کمیشن آفس پہ دھاوا بول کر انفراسٹرکچر کو نقصان پہنچایا گیا۔

شرانگیز احتجاج میں پولیس کے 17 جوان اور 4 عام شہری جاں بحق جبکہ 60 شہری زخمی بھی ہوئے۔

9 مئی کو ضلع بنوں میں 6 بجے بنوں کینٹ پر دو اطراف سے دھاوا بولا گیا، شرپسندوں نے پہلے بنوں کینٹ میں دکانیں بند کرائیں اور پھر کینٹ کو بھاری نقصان پہنچایا۔

بنوں کینٹ کے دروازوں، دیواروں، گارڈز کے کمرے اور دیگر انفراسٹرکچر کو بھی تباہ کر دیا گیا اور اس کے فوری بعد شرپسندوں نے انڈس ہائی وے بھی بند کر دی ۔

9 مئی کو چکدرہ میں 2 ہزار سے زائد شرپسندوں نے چکدرہ موٹروے ٹول پلازہ کو آگ لگائی ، تقریباً پانچ ہزار شر پسندوں نے چکدرہ فورٹ پر دھاوا بولا ، مین گیٹ توڑ کر اندر داخل ہوئے اور وہاں موجود سرکاری گاڑیوں اور انفراسٹرکچر کو تباہ کر دیا۔

قلعے کےاحاطے میں بلوائیوں کی ہوائی فائرنگ سے 6 عام شہری اور ایک سپاہی زخمی ہوا جبکہ تیمرگرہ میں 5 ہزار سے زائد شرپسندوں نے دیر میں فوجی تنصیبات پر پتھراؤ کیا ، جس سے 5 پولیس والے شدید زخمی ہوئے۔

نو مئی کی شب 10 بجے شرپسند عناصر نے ایف سی پبلک اسکول تیمرگرہ کو جلایا جبکہ احتجاجی مظاہروں کے دوران وانا سے ٹانک روڈ پر تمام راستے بند کر دیے گئے۔

Comments

- Advertisement -