میئر کراچی مرتضیٰ وہاب نے درختوں کا کاٹنے کی وجہ پانی کی لائنوں کو تحفظ فراہم کرنے کو قرار دیا ہے۔
کراچی میں میڈیا سے گفتگو کرتے ہوئے مرتضیٰ وہاب نے کہا کہ درخت کاٹنے کا مقصد پانی کی لائنوں کو تحفظ فراہم کرنا ہے واٹربورڈ کا چیئرمین ہوں ہماری لائن برباد ہو گئی ہیں اس وجہ سےدرخت کاٹے۔
انہوں نے کہا کہ الزامات وہ لوگوں لگا رہے ہیں جن سے شہر کی خوشحالی نہیں دیکھی جا رہی جلد کراچی کو پانی ملےگا جو لوگ مگرمچھ کے آنسو بہا رہے ہیں ان کو پتہ چلےگا، کےفور وفاق کا منصوبہ ہے بہتر ہے یہ سوال گورنرصاحب سےکریں۔
ان کا کہنا تھا کہ کےالیکٹرک سندھ حکومت کےاندر نہیں ہے وفاق کا 25 فیصد شیئر ہے ہم لوگوں کو گمراہ کر رہے ہیں، میں آج واٹر بورڈ کے نئے کنکشن ہٹادوں تو جو لوگ گھر بنارہے ہیں وہ کیا کریں گے۔
میئر نے مزید کہا کہ لوگ باتیں کرتے رہیں میں کام کرتا رہوں گا سندھ حکومت نے اضافی پانی کراچی لانےمیں اہم کردار ادا کیا، کےایم سی شہر میں 25 بسیں چلانےجا رہا ہے۔