فرانس کے مایہ ناز فٹبالر کلیان امباپے فٹ ہو گئے اور اب وہ قطر میں ہونے والے فیفا انٹر کانٹی نینٹل کپ کے فائنل کے لیے ریال میڈرڈ کے اسکواڈ میں شامل ہو گئے ہیں۔
ہسپانوی کلب نے کہا ہے کہ امباپے کو ان کے فیفا انٹرکانٹینینٹل کپ کے فائنل کے لیے ریال میڈرڈ کی ٹیم میں شامل کیا گیا ہے اور 25 سالہ نوجوان اس ہفتے اس کے لیے قطر کا سفر کریں گے۔
10 دسمبر کو اٹلی کے برگامو میں اٹلانٹا کے خلاف میڈرڈ کی 3-2 UEFA چیمپئنز لیگ کی فتح میں انجری کے بعد ان کی مشرق وسطیٰ روانگی مشکوک ہو گئی تھی۔
ریال میڈرڈ نے 2023-24 چیمپئنز لیگ جیت کر فیفا انٹرکانٹینینٹل کپ کے لیے کوالیفائی کیا تھا جہاں اس کا مقابلہ میکسیکو کے پچوکا سے ہو گا۔
فیفا انٹرکانٹینینٹل کپ کا فائنل 18 دسمبر کو دارالحکومت دوحا میں لوسیل اسٹیڈیم میں کھیلا جائے گا۔ یہ وہی مقام ہے جس نے 2022 کے فیفا ورلڈ کپ کے فائنل کی میزبانی کی تھی۔
