بھارت کی ریاست تلنگانہ کے ضلع سنگاریڈی سے تعلق رکھنے والی ایک میڈیکل کی طالبہ فلپائن میں اپنی سالگرہ کے روز کمرے میں مردہ پائی گئی۔
بین الاقوامی خبر رساں ادارے کی رپورٹ کے مطابق پٹن چیرو منڈل سے تعلق رکھنے والی 17 سالا بھارتی طالبہ سنگدا فلپائن میں میڈیکل کی تعلیم حاصل کر رہی تھی۔
مقتولہ کے دوستوں نے بتایا کہ کل رات دیر گئے ہم اسے مبارکباد دینے کے لیے اس کے کمرے میں پہنچے جہاں اس کی لاش موجود تھی۔
رپورٹس کے مطابق معاملے کی اطلاع فوری طور پر پولیس کو فراہم کی گئی اور اس کے گھر والوں کو بھی مطلع کردیا گیا۔
میڈیکل کی بھارتی طالبہ کی اچانک موت کی وجوہات کا فوری طور پر پتہ نہیں چل سکا۔ مقتولہ کے گھر والوں کی جانب سے لاش کو بھارت بھجوانے درخواست کی گئی ہے۔
اس سے قبل بھارت کے حیدرآباد میں ایک انسانیت سوز واقعہ پیش آیا جب ایک شادی شدہ شخص نے اپنی محبوبہ کو بے دردی سے قتل کرکے لاش دفن کردی۔
بے رحم ملزم نے لڑکی کی لاش کے پہلے ٹکڑے کئے پھر ان ٹکڑوں کو دفن کردیا، لرزہ خیز قتل کی واردات ریاست تلنگانہ ضلع بھدرادری کتہ گوڑم میں پیش آئی، معاملے کا دو روز گزرنے کے بعد انکشاف ہوا۔
32 سالہ سواتی اور شادی شدہ شخص ویرا بھدرم کے درمیان گزشتہ 6 سال سے تعلقات قائم تھے، سواتی بھی اسی کے گھر میں رہا کرتی تھی، خاندانی تنازعات اور معاشی مسائل کے باعث بھدرم اور سواتی کے درمیان جھگڑے معمول بن گئے تھے، جس پر سفاک ملزم نے انتہائی قدم اُٹھانے کی ٹھان لی۔
بچوں کے وارڈ میں آگ لگنے سے 10 بچے زندہ جل گئے
ملزم نے 9 نومبر کو مہلک ہتھیار سے سواتی کو موت کی نیند سلا دیا اور لاش کے ٹکڑے کرکے اسے قریبی کھیت میں دفن کردیا، پولیس کی جانب سے تحقیقات کی گئیں تو معاملے کا علم ہوا اور لاش کی باقیات نکال کر مزید تحقیقات کا آغاز کردیا گیا ہے۔
