لاہور: اسٹار کھلاڑیوں پر مشتمل ایم سی سی نے دورہ پاکستان کے لیے اسکواڈ کا اعلان کردیا ہے۔
تفصیلات کے مطابق دورہ پاکستان کے لیے لیجنڈ وکٹ کیپر بیٹسمین سنگاکارا 12 رکنی اسکواڈ کی قیادت کریں گے، ٹیم میں روی بوپارا، مائیکل برگس، اولیورہینن، فریڈکلیسن اور دیگر شامل ہیں۔
ایم سی سی ٹیم 13 سے 19 فروری تک لاہور کا دورہ کرے گی جس میں وہ 50 اوورز سمیت ٹی ٹوئنٹی فارمیٹ کے میچز بھی کھیلے گی۔
🇵🇰 MCC have today announced their squad to tour Pakistan next month.#MCCcricket | @TheRealPCB
— Lord's Cricket Ground (@HomeOfCricket) January 29, 2020
پاکستان کرکٹ بورڈ نے اے سی سی ایمرجنگ ٹیمز ایشیا کپ 2019 کی فاتح ٹیم کے کپتان سعود شکیل کو ایم سی سی کے خلاف 50 اوورز پر مشتمل میچ کے لیے پاکستان شاہینز ٹیم کا کپتان مقرر کیا جب کہ قومی ٹی ٹوئنٹی چیمپئن ناردرن ٹیم کے کپتان روحیل نذیر مختصر فارمیٹ کے میچز میں ٹیم کی کپتانی کریں گے۔
چیف ایگزیکٹو پی سی بی وسیم خان کا کہنا ہے کہ ایم سی سی ٹیم کا 48 سال بعد پاکستان کا دورہ کرنا خوش آئند ہے۔