اداکارہ میرا تکذیب نکاح کیس ‘ فیصلہ محفوظ -
The news is by your side.

Advertisement

اداکارہ میرا تکذیب نکاح کیس ‘ فیصلہ محفوظ

لاہور : عائلی عدالت نے اداکارہ میرا تکذیب نکاح کیس کی سماعت مکمل کرتے ہوئے فیصلہ محفوظ کر لیا ‘ یونین کونسل نے نکاح نامہ بوگس قرار دے دیا

تفصیلات کے مطابق اداکار ہ میرا کی جانب سے دائر دعوے میں موقف اختیار کیا گیا تھا کہ ان کی عتیق الرحمان کے ساتھ شادی نہیں ہوئی‘ نکاح کا دعویٰ جھوٹا ہے ۔

درخواست میں یہ بھی کہا گیا تھا کہ عتیق الرحمان نے نے انہیں بلیک میل کرنے کے لیے جعلی نکاح نامہ بنوایا ‘ جبکہ متعلقہ ہونین کونسل نے بھی اسے بوگس قرار دیا ہے جس کے بعد ثابت ہو چکا ہے کہ یہ شادی نہیں ہوئی۔

گھرپرقبضے کا الزام ، ادکارہ میرا کے خلاف درخواست دائر*

اداکارہ میرا کے وکیل نے استدعا کی کہ عدالت جعلی نکاح نامے کو کالعدم قرار دے اور عتیق الرحمان کو پابند کرےکہ وہ آئندہ خود میرا کا خاوندظاہر نہ کرے‘ عدالت میں یہ بھی کہا گیا کہ جعلی نکاح نامہ بنانے پر عتیق الرحمان کے خلاف مقدمہ درج کرنے کا حکم دیا جائے۔

عدالت نے دونوں جانب کے وکلاء کے دلائل مکمل ہونے کے بعد مقدمے کا فیصلہ محفوظ کر لیا ہے جسے آئندہ پیشی میں سنایا جائے گا۔

یاد رہے کہ عتیق الرحمان نامی شخص کی جانب سے میرا کے خاوند ہونے کا دعویٰ کیا گیا تھاجس پر گزشتہ کئی سالوں سے دونوں کے درمیان مختلف عدالتوں میں مقدمات بھی زیر سماعت رہے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں