site
stats
پاکستان

آرمی چیف جنرل قمر باجوہ سے بحرین کےکمانڈر کی ملاقات

راولپنڈی : آرمی چیف جنرل قمر باجوہ سے بحرین کے نیشنل گارڈ کے کمانڈر لیفٹیننٹ جنرل شیخ محمد بن عیسیٰ بن سلمان الخلیفہ نے ملاقات کی ہے، ملاقات میں دو طرفہ دفاعی تعلقات اور پیشہ ورانہ امور پر گفتگو کی۔

پاک فوج کے شعبہ تعلقات عامہ کے ادارے (آئی ایس پی آر) کے مطابق بحرین کے کمانڈر نیشنل گارڈ لیفٹیننٹ جنرل شیخ محمد بن عیسیٰ نے آرمی چیف جنرل قمر جاوید باجوہ سے جی ایچ کیو راولپنڈی میں ملاقات کی اور دو طرفہ دفاعی تعاون پر گفتگو کی۔


ملاقات میں دونوں ممالک کی افواج کے درمیان تعاون بڑھانے، علاقائی سلامتی اور پیشہ ورانہ امور پر تفصیل سے گفتگو کی گئی جب کہ پاکستان اور بحرین کے درمیان مشترکہ فوجی مشقوں کے تربیتی کورسز اور ایک دوسرے کے تجربات سے استفادہ کرنے کے امکانات کا بھی جائزہ لیا گیا۔

اس موقع پر بحرین کے کمانڈر جنرل شیخ محمد بن عیسیٰ نے پاکستان کے آرمی چیف جنرل قمر جاوید باجوہ کو منصب سنبھالنے پر مبارکباد پیش کرتے ہوئے دہشت گردی کے خلاف جنگ اور خطے امن و سلامتی کے لیے پاک فوج کے کردار کو سراہا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top