کراچی : پیپلزپارٹی کے شریک چئرپرسن آصف زرداری جلد دبئی سے لندن کیلئے روانہ ہونگے، ان کا یہ دورہ لندن2دن پر مشتمل ہے۔
اس حوالے سے پیپلزپارٹی ذرائع کا کہنا ہے کہ آصف زرداری کے دورہ لندن میں توسیع بھی ہوسکتی ہے، جس میں آصف زرداری کی لندن میں نوازشریف سے ملاقات کا قوی امکان ہے۔
ذرائع کے مطابق آصف زرداری کی نوازشریف سے ملاقات سابق وزیراعظم سے ملاقاتوں کا تسلسل ہوگی، نواز زرداری ملاقات میں اسمبلیوں کی تحلیل پر بھی مشاورت ہوگی۔،
پیپلزپارٹی ذرائع کا کہنا ہے کہ لندن ملاقات میں دونوں شخصیات کے درمیان نگراں حکومت اور عام انتخابات کے امور پر مشاورت کی جائے گی۔
ذرائع کا مزید کہنا ہے کہ نواز زرداری ملاقات میں نگراں وزیراعظم کیلئے ناموں پرغور ہوگا، ملاقات میں اسمبلی تحلیل نگراں حکومت، انتخابات پر اہم پیشرفت متوقع ہے۔
