پی اے سی کے چیئرمین کی تقرری میں اہم پیش رفت، حکومت اور اپوزیشن میں رابطہ -
The news is by your side.

Advertisement

پی اے سی کے چیئرمین کی تقرری میں اہم پیش رفت، حکومت اور اپوزیشن میں رابطہ

اسلام آباد: پبلک اکاؤنٹس کمیٹی کے چیئرمین کی تقرری میں اہم پیش رفت ہوئی ہے، حکومت اور اپوزیشن کے درمیان اہم رابطہ ہوا۔

تفصیلات کے مطابق پی اے سی کے چیئرمین کی تقرری کے سلسلے میں حکومتی وفد نے ن لیگ اور پیپلز پارٹی کے رہنماؤں سے ملاقات کی۔

حکومتی وفد میں شاہ محمود، فواد چوہدری و دیگر، ن لیگی وفد میں ایاز صادق، رانا ثناء اللہ و دیگر شامل تھے اور پی پی کی نمائندگی سید نوید قمر نے کی۔

حکومتی وفد میں شاہ محمود قریشی، وفاقی وزیرِ اطلاعات فواد چوہدری، عامر ڈوگر، وزیرِ قانون فروغ نسیم اور پارلیمانی امور کے وزیر علی محمد خان شامل تھے۔

دوسری طرف مسلم لیگ ن کا وفد سابق اسپیکر ایاز صادق، رانا ثناء اللہ، مرتضیٰ عباسی اور رانا تنویر پر مشتمل تھا جب کہ پیپلز پارٹی کی نمائندگی سید نوید قمر نے کی۔

ملاقات میں پبلک اکاؤنٹس کمیٹی کے چیئرمین کی تقرری پر مشاورت کی گئی، حکومت اور اپوزیشن کی جانب سے مختلف تجاویز پر غور کیا گیا۔

ملاقات کے بعد پاکستان تحریکِ انصاف کے رہنما عامر ڈوگر نے کہا کہ پارلیمنٹ کی مضبوطی کے لیے اپوزیشن رہنماؤں سے ملاقات کی، اپوزیشن نے بھی لچک کا مظاہرہ کرنے پر آمادگی ظاہر کی۔


یہ بھی پڑھیں:  حکومت کا پبلک اکاونٹس کمیٹی سے متعلق لچک دکھانے کا فیصلہ


عامر ڈوگر نے کہا کہ اپوزیشن کی جانب سے ملنے والی تجاویز قابلِ عمل ہیں، جلد بریک تھرو کا امکان ہے، جمہوری عمل کو آگے بڑھانا ہے، جلد اچھی خبر ملے گی۔

خیال رہے کہ گزشتہ روز وزیرِ اطلاعات فواد چوہدری نے کہا تھا کہ پی اے سی کی چیئرمین شپ کے لیے شہباز شریف متنازعہ ہیں، اپوزیشن کوئی اور نام دے۔

Comments

comments

یہ بھی پڑھیں