اسلام آباد : وزیراعظم شہباز شریف نے قومی سلامتی کمیٹی کا اجلاس کل طلب کرلیا، جس میں قومی اہمیت اور سلامتی سے متعلق امور زیر غور آئیں گے۔
تفصیلات کے مطابق قومی سلامتی کمیٹی کا اجلاس کل طلب کرلیا گیا، اجلاس کل سہ پہر تین بجے طلب کیاگیاہے، وزیراعظم قومی سلامتی کمیٹی اجلاس کی صدارت کریں گے۔
ذرائع کا کہنا ہے کہ قومی اہمیت اور سلامتی سے متعلق امور زیر غور آئیں گے۔
یاد رہے وزیر اعظم شہباز شریف کی جانب سے قومی سلامتی کمیٹی کا اجلاس طلب کیا گیا ہنگامی اجلاس اچانک منسوخ کر دیا گیا۔
ذرائع کے مطابق 11 مئی کو بھی وزیر اعظم شہباز شریف نے قومی سلامتی کمیٹی کا ہنگامی اجلاس کل طلب کیا تھا جس میں سلامتی سے متعلق اُمور پر غور کیا جانا تھا۔
بعد ازاں سابق وزیر اعظم عمران خان کی گرفتاری غیر قانونی قرار دیے جانے کے بعد قومی سلامتی کمیٹی کا ہنگامی اجلاس منسوخ کردیا گیا تھا۔
