The news is by your side.

Advertisement

بھارتی جھنڈا ناقابل قبول ہے: محبوبہ مفتی

سری نگر:  مقبوضہ کشمیر کی سابق وزیر اعلیٰ محبوبہ مفتی نے یہ کہہ کر کہ بھارتی جھنڈا ناقابل قبول ہے، اعلان بغاوت کر دیا ہے۔

تفصیلات کے مطابق جموں و کشمیر کی پیپلز ڈیموکریٹک پارٹی کے رہنماؤں نے پریس کانفرنس میں ایک بڑا قدم اٹھاتے ہوئے بھارتی پرچم ہٹا دیا، پریس کانفرنس میں صرف کشمیری اور پی ڈی پی پرچم رکھے گئے۔

پی ڈی پی رہنماؤں کی پریس کانفرنس سے بھارتی جھنڈا ہٹانے پر بھارت کا میڈیا سیخ پا ہو گیا ہے، بھارتی میڈیا اس بات پر تلملانے لگا ہے کہ پریس کانفرنس میں ترنگا کیوں نہیں رکھا گیا۔

ادھر محبوبہ مفتی نے دو ٹوک لہجے میں کہہ دیا ہے کہ جب تک کشمیر کا پرچم بحال نہیں ہوگا تب تک بھارتی ترنگا بھی انھیں قبول نہیں ہے۔

مقبوضہ کشمیر کی سابق وزیر اعلیٰ نے پریس کانفرنس میں انتہا پسند مودی سرکار پر کڑی تنقید کی، انھوں نے کہا بھارت کو دستور پر چلنا چاہیے نہ کہ بی جے پی کے منشور پر۔

محبوبہ مفتی کا کہنا تھا کہ کشمیر کا جھنڈا بھارت سے ناتا جوڑتا تھا، لیکن کشمیری پرچم اور آرٹیکل 370 کی واپسی تک اب بھارت سے کوئی واسطہ نہیں رہے گا۔

انھوں نے کہا آرٹیکل 370 کے خاتمے کے بعد مسئلہ کشمیر عالمی افق پر اجاگر ہوا ہے۔

Comments

یہ بھی پڑھیں