کراچی: پاکستانی اداکارہ مہوش حیات نے مادرِ وطن کے لیے اپنی قیمتی جانوں کا نذارنہ پیش کرنے والے فوجی جوانوں کو خراج تحسین پیش کیا۔
تمغہ امتیاز حاصل کرنے والی اداکارہ نے سماجی رابطے کی ویب سائٹ پر 6 ستمبر یوم دفاع پاکستان کی مناسبت سے اپنا پیغام جاری کیا۔ انہوں نے اپنے ٹویٹ میں مادر وطن کے لیے قربانیاں دینے والے مسلح افواج کے جوانوں کو سلیوٹ پیش کیا۔
اپنے ٹویٹ میں انہوں نے لکھا کہ ’میں مسلح افواج کے اُن تمام جوانوں کو سلیوٹ پیش کرتی ہوں جنہوں نے ہمارے ملک کو بچانے کے لیے قربانیاں دیں‘۔
مہوش حیات نے لکھا کہ ’میں اُن تمام شہدا کا شکریہ ادا کرتی ہوں جو اپنی جانوں کی پرواہ کیے بغیر روزانہ موت کا سامنا کرتے ہیں تاکہ ہم ہر رات سکون کی نیند سو سکیں‘۔
I salute all those brave members of our armed forces who gave the ultimate sacrifice in protecting our country. I Thank those that cont to put their lives on the line everyday so we can sleep safely each night.We’ll owe you a debt of gratitude for generations to come! #DefenceDay pic.twitter.com/xNLCd16LVg
— Mehwish Hayat TI (@MehwishHayat) September 6, 2020
انہوں نے مزید لکھا کہ ’آنے والی نسلوں کو تحفظ فراہم کرنے پر بھی ہم سب آپ (افواج) کے شکر گزار ہیں‘۔
نامور پاکستانی اداکار ہمایوں سعید نے بھی پاک فوج کے جوانوں کو خراج تحسین پیش کیا اور لکھا کہ ’میں اُن جوانوں کو سلیوٹ پیش کرتا ہوں جو ہماری زندگیوں کو بنانے کے لیے بنا خوف و خطر موت کا سامنا کرتے ہیں‘۔
Salute, love and prayers for our armed forces who are not afraid to sacrifice their lives to protect ours. May Allah bless our martyrs, may He guard our soldiers. Pakistan Zindabad 🇵🇰 #DefenceDay #6thSeptember pic.twitter.com/nsGFgu4RPi
— Humayun Saeed (@iamhumayunsaeed) September 6, 2020
