پاکستان کی معروف اداکارہ مہوش حیات نے بھارتی میوزک ریپر یو یو ہنی سنگھ کے ساتھ اسکرین شیئر کرنے کا اعلان کردیا۔
فوٹو اینڈ شیئرنگ ایپ انسٹاگرام پر محوش حیات نے ایک تصویر پوسٹ کی ہے جس میں انہیں بھارتی میوزک ریپر ہنی سنگھ کے ساتھ دیکھا جاسکتا ہے۔
اداکارہ نے ہنی سنگھ کے ساتھ شیئر کی گئی مشترکہ پوسٹ میں کام کرنے کا اعلان کیا، اداکارہ نے بتایا کہ میں نے اپنے دیسی کلاکار کے ساتھ نئے ٹریک ‘کِلر’ کے لیے تعاون کیا ہے۔
View this post on Instagram
تاہم اداکارہ نے اپنی پوسٹ میں گانے کی ریلیز کی تاریخ کا اعلان نہیں کیا لیکن اتنا ضرور بتایا کہ اُن کا یہ گانا بہت جلد ریلیز ہونے والا ہے۔
یو یو ہنی سنگھ اور مہوش حیات کے اعلان کے بعد پاکستان سمیت بھارتی مداحوں کی جانب سے اُن کے نئے گانے کے لیے خوشی کا اظہار کیا جارہا ہے۔
View this post on Instagram
واضح رہے کہ رواں سال کی شروعات میں بھی مہوش حیات نے بھارتی میوزک ریپر سے ملاقات کی تھی جس کی تصویر ہنی سنگھ نے اپنے انسٹاگرام ہینڈل پر پوسٹ کی تھی۔
