باہیا: برازیل کے ساحل پر بہادر شہری نے بلاخوف وخطر بغیر کسی حفاظتی انتظامات کے خونخوار مگرمچھ پکڑلیا۔
تفصیلات کے مطابق کوسٹا ریکا نامی برازیلین ساحل پر سیروتفریح کے لیے آئے شہری نے ہاتھوں سے دیوہیکل مگرمچھ پکڑ کر سب کو حیران کردیا۔
برازیلین شہری نے اپنے دوستوں کے ہمراہ تولیے کی مدد سے مگرمچھ پکڑ تو لیا، لیکن کبھی کبھی ایسی بہادی لینے کے دینے بھی پڑ جاتے ہیں۔
غیر ملکی میڈیا کا کہنا ہے کہ شہری اپنے دوستوں کے ہمراہ ساحل پر موج مستی میں مصروف تھے کہ اچانک چند قدم کی دوری پر انہیں ایک خونخوار مگرمچھ دکھا، بعد ازاں انہوں نے تولیے اور دو لکڑیوں کی مدد سے اس جانور کو دبوچ لیا۔
ماہرین کا کہنا ہے کہ نمکین پانی میں رہنے والا یہ مگرمچھ طبعی مرض کے باعث اپنے جھنڈ سے بچھڑ کر تنہا ہوچکا تھا اور ساحل پر شہریوں پر حملے بھی کررہا تھا۔
مگرمچھ کو وائلڈ لائف کے حوالے کردیا گیا ہے، ان کا کہنا ہے کہ پانی اور خشکی پر رہنے والے اس جانور کے مرض کی تشخیص اور علاج کے بعد ٹرگوگا نامی جزیرے پر چھوڑ دیا جائے گا۔
خونی مگرمچھ پادری کو جبڑوں میں دبوچ کر گہری جھیل میں لے گیا
خیال رہے کہ اس قسم کی حرکتیں بعض اوقات جان لیوہ بھی ثابت ہوسکتی ہیں، رواں سال جون میں اتھوپیا میں لوگوں کو بپتسمہ دینے والے پادری کو آدم خور مگر مچھ نے دبوچ لیا تھا، مقامی افراد نے کافی مشقت کے بعد لاش کو جھیل سے باہر نکالا۔
