نئی دہلی : بھارت میں بیڑی بنانے والی کمپنی نے ارجنٹینا کے مشہور فٹبالر لیونل میسی کی تصویر لگاکر فٹبالر کے (میسی بیڑی) نام سے بیڑی کی فروخت شروع کردی۔
برصغیر کی چھوٹی چھوٹی فیکڑیاں عموماً اپنی پروڈکٹ کی فروخت کےلیے کسی مشہور شخصیت کی تصویر یا نام لگاکر بیچتے ہیں تاکہ تصویر سے متاثر ہوکر زیادہ سے زیادہ خریداری کریں۔
اسی طرح بھارت کی ریاست مغربی بنگال میں بیڑی بنانے والی ایک فیکڑی نے ارجنٹینا کے مشہور فٹبالر لیونل میسی کا نام اور تصویر استعمال کی ہے، جس نے سوشل میڈیا صارفین کو میمز بنانے نیا مواد فراہم کردیا۔
فیکڑی مالک نے ‘میسی بیڑی’ کے نام سے بیڑی (سگریٹ) کی فروخت شروع کی تو بھارتی شہریوں نے اس کا مذاق بنانا شروع کردیا، بیڑی کے پیکٹ کی تصویر ایک آئی پی ایس افسر روپن شرما نے ٹوئٹر پر شیئر کی اور ساتھ کیپشن لکھا کہ ‘بھارت میں میسی کا پہلا معاہدہ’۔
Messi's first endorsement in India
☺️☺️☺️☺️☺️ pic.twitter.com/07vh7bTMwC— Rupin Sharma IPS (@rupin1992) July 13, 2021
ایک صارف نے طنزاً تبصرہ کیا کہ ‘ہاہاہا۔۔۔ اس طرح کا پاگل پن صرف بھارت میں نظر آسکتا ہے جب کہ اور صارف کا کہنا تھا کہ امید ہے میسی کے ایجنٹس نے یہ نہ دیکھا ہو اور معاوضے یا منافع کی ادائیگی کا دعویٰ نہ کیا ہو’۔
تیسرے صارف نے مذاق اڑاتے ہوئے کہا کہ ‘ارجنٹینا کے اسٹار فٹبالر میسی نے اپنے ملک کےلیے کوپا امریکا جیتنے کے بعد فوری طور پر بھارت میں بیڑی برانڈ ‘میسی بیڑی’ کے ساتھ معاہدہ کرلیا، یہ بہت بڑی کامیابی ہے’۔
Argentina football star Messi won the Copa America by his country and immediately got a brand to endorse. "Messi Biri"😜. Great achievement 👍 Enjoy 😁 pic.twitter.com/RaydB0r1DI
— Dipak Pujari (@PujariDipak) July 13, 2021
میسی کی بیڑی برانڈ پر تصویر وائرل ہونے پر سوشل میڈیا صارفین کی جانب سے اب بھی دلچسپ تبصروں کا سلسلہ جاری ہے۔
