فیفا ورلڈ کپ کی فاتح ٹیم ارجنٹینا کے چیمپئن کپتان لیونل میسی کو ورلڈ کپ کی ٹرافی سے کچھ زیادہ ہی پیار ہوگیا اور وہ ٹرافی سرہانے رکھ کر سوئے۔
ارجنٹیا کے کپتان لیونل میسی نے جب گزشتہ اتوار کو قطر میں فٹبال ورلڈ کپ کی ٹرافی اٹھائی تو یہ ان کے 17 سال سے دیکھے گئے خواب کی خوشگوار تعبیر تھی لیکن ٹرافی اٹھانے کے بعد میسی کو اس سنہری ٹرافی سے کچھ زیادہ ہی پیار ہوگیا ہے اور وہ چند لمحے بھی اس سے دوری برداشت نہیں کر پار رہے۔ اسی لیے تو اسے سرہانے رکھ کر سوئے۔
View this post on Instagram
ارجنٹائن کے کپتان لیونل میسی نے سوشل میڈیا پر ویڈیو اور تصاویر شیئرنگ ایپ انسٹا گرام پر اپنے اکاؤنٹ پر یہ خوبصورت تصویر شیئر کی جس میں وہ ٹرافی اپنے سرہانے رکھے سو رہے ہیں۔ تصویر پوسٹ کرنا تھی کہ دیکھتے ہی دیکھتے وائرل ہوگئی اور سوشل میڈیا صارفین میسی کا یہ انداز بھی بہت سراہ رہے ہیں۔
دوسری جانب میسی نے ورلڈ کپ جیتنے اور کئی ریکارڈ بنانے کے بعد سوشل میڈیا پر لائیکس کا رونالڈو سے ریکارڈ بھی چھین لیا۔
یہ بھی پڑھیں: عالمی چیمپئن ارجنٹینا کو ویلکم ہوم کہنے کیلیے انسانی سمندر سڑکوں پر، ویڈیو
ورلڈ کپ جیتنے کے بعد میسی کی ٹرافی کے ساتھ تصویر انسٹا گرام پر اتنی زیادہ لائیک کی گئی کہ رونالڈو کا ریکارڈ لائیکس کے اس سیلاب میں کہیں بہہ گیا۔