The news is by your side.

Advertisement

محکمہ موسمیات کی کراچی میں بارش کی پیشگوئی

کراچی: محکمہ موسمیات نے کراچی میں بدھ اور جمعرات کو بارش کی پیشگوئی کر دی۔

محکمہ موسمیات کے مطابق کراچی میں بروز بدھ 13 مئی کی رات اور 14 مئی کی صبح بوندا باندی کا امکان ہے۔محکمہ موسمیات کا کہنا ہے کہ 12 مئی سے 16 مئی کے دوران ایران کے راستے 2 مغربی سسٹم ملک میں داخل ہوں گے۔

محکمہ موسمیات نے کہا کہ صوبہ بلوچستان اور بالائی سندھ میں بارش کے امکانات ہیں،سکھر،لاڑکانہ،نواب شاہ،جیکب آباد اورگوادر میں بھی بادل برسیں گے۔

محکمہ موسمیات نے بتایا کہ نچلی سطح کے بادلوں کے سبب کراچی کے مختلف علاقوں میں بوندا باندی ہوسکتی ہے۔محکمہ موسمیات نے واضح کیا کہ کراچی میں فی الحال ہیٹ ویو کا امکان نہیں ہے۔

یاد رہے کہ گزشتہ ہفتے محکمہ موسمیات نے کراچی میں 5 سے 8 مئی تک ہیٹ ویو کی وارننگ جاری کی تھی اور پارہ 43 ڈگری تک جانے کی پیشگوئی کی تھی۔

ڈائریکٹر محکمہ موسمیات سردار سرفراز کا کہنا تھا کہ مئی اور جون گرم اور مرطوب مہینے ہیں ان میں ہیٹ ویو کے امکانات رہتے ہیں۔

Comments

یہ بھی پڑھیں