میکسیکو میں پیر کو لگنے والی آگ نے اٹھارہ ریاستوں میں سے ساٹھ جنگلات کوجلا کر راکھ کردیا، خوفناک شعلے آسمان تک بلند ہوتے نظر آئے جبکہ تیز ہواؤں نے شعلوں کو بڑھاوا دیا۔
غیر ملکی ذرائع ابلاغ کے مطابق شدید آگ نے دیکھتے ہی دیکھتے 35سو ایکڑ رقبے کو اپنی لپیٹ میں لے لیا، آگ سے تمام جنگی حیاتیات بھی جل کر ہلاک ہوگئیں۔
ریسکیو حکام کا کہنا ہے آگ لگنے کی وجہ معلوم نہیں ہوسکی،آگ سے متعدد گھروں کو بھی نقصان پہنچا لیکن کسی جانی نقصان کی اطلاع نہیں ملی، آگ پر قابو پانے کیلئے ملک بھر سے فائر فائٹرز کو طلب کرلیا گیا ہے۔
اس سے قبل چلی کے جنگلات میں خوفناک آگ بھڑک اُٹھی تھی، اب تک کی اطلاعات کے مطابق ہلاک ہونے والے افراد کی تعداد 122 ہوگئی ہے۔
غیر ملکی ذرائع ابلاغ کے مطابق چلی کی میڈیکل سروس کا اس حوالے سے کہنا ہے کہ سیکڑوں افراد اب تک لاپتا ہیں جبکہ اب تک صرف 32 لاشوں کو شناخت کیا جاسکا ہے۔
امریکی میڈیا کے مطابق چلی کے وسطی علاقوں کے جنگلات میں کئی دنوں سے لگی آگ کے باعث تقریباً 10 لاکھ افراد بے گھر ہوئے ہیں۔ جنگلات میں آگ درجہ حرارت 40 ڈگری سینٹی گریڈ تک پہنچنے کے باعث لگی۔
چلی کے صدر گیبریل بورک نے دو روزہ قومی سوگ کا اعلان کرتے ہوئے خبردار کیا کہ ملک کو بہت بڑے المیے کا سامنا ہے، ہمیں مزید بری خبروں کے لیے تیار رہنا ہوگا۔
اسرائیل کی خان یونس اور رفح میں گھروں پر بمباری، 12 فلسطینی شہید
حکام کا کہنا ہے کہ آگ نے 90 سے زائد مقامات کو اپنے گھیرے میں لے لیا ہے جس سے 1 لاکھ ایکڑ سے زائد اراضی جل کر راکھ بن چکی ہے۔
