The news is by your side.

Advertisement

کروناوائرس: میئرکراچی وسیم اختر کا اہم فیصلہ

کراچی: شہرقائد کے میئروسیم اختر کی ہدایت پر لانڈھی کارڈیک سینٹر کو قرنطینہ سینٹر بنانے کا فیصلہ کرلیا گیا۔

تفصیلات کے مطابق کراچی کے علاقے لانڈھی میں قائم کارڈیک سینٹر کو اب قرنطینہ سینٹر میں تبدیل کردیا جائے گا، یہ اہم فیصلہ وسیم اختر کی خصوصی ہدایت کے بعد سامنے آیا۔

کرونا مریضوں کے لیے کارڈیک اسپتال کو قرنطینہ بنانے کے انتظامات شروع کردیے گئے۔ چیئرمین ضلع کورنگی نے ممبرانڈس اسپتال کے ساتھ اسپتال کا دورہ کیا اور معاملات کا جائزہ لیا۔

لانڈھی کارڈیک سینٹر میں 100بستروں پر مشتمل قرنطینہ بنایا جائے گا۔

واضح رہے کہ سندھ حکومت کی جانب سے کرونا وائرس کے مریضوں کے لیے سکھر میں قرنطینہ سینٹر بنایا گیا ہے جہاں مریضوں کو طبی امداد فراہم کی جارہی ہیں۔ ملک میں کرونا وائرس کے باعث اموات 12 ہوگئی اور 7 مریضوں کی حالت تشویش ناک ہے جبکہ صحت یاب مریضوں کی تعداد 25 ہے۔

سکھر، قرنطینہ میں مریضہ نے کئی افراد کی زندگی خطرے میں ڈال دی

یاد رہے کہ ملک میں کرونا وائرس کے مریضوں کی تعداد ایک ہزار 495 ہوگئی ہے، پنجاب میں 557، سندھ 469، کے پی میں 188 کرونا کے مریض ہیں، بلوچستان میں 133، جی بی 107، اسلام آباد 39، آزاد کشمیر میں 2 مریض ہیں۔

fb-share-icon0
Tweet 20

Comments

comments

یہ بھی پڑھیں