کراچی: پاکستان کرکٹ ٹیم کے ہیڈ کوچ مکی آرتھر نے ورلڈ چیمپین ٹیم کا کوچ بننے کا ارادہ باندھ لیا.
تفصیلات کے مطابق مکی آرتھر انگلینڈ کرکٹ ٹیم کی کوچنگ کی دوڑمیں شامل ہوگئے ہیںاور چند حلقو ںکی جانب سے انھیں فیورٹ تصور کیا جارہا ہے.
اس وقت آسٹریلیا اور انگلینڈ کے درمیان ایشیز کی سیریز جاری ہے، انگلش ٹیم کے موجودہ کوچ ٹریوربیلس کےعہدہ کی مدت ایشزکے بعد ختم ہوجائے گی۔
برطانوی میڈیاکےمطابق انگلش ٹیم کی کوچنگ کے لئےشارٹ لسٹ کردہ تین امیدواروں میں مکی آرتھر بھی شامل ہیں، باقی دو ناموں میں اوٹس گبسن اور گیری کرسٹن شامل ہیں۔
مزید پڑھیں: ہیڈ کوچ مکی آرتھر نے شاداب خان کا نام ٹی ٹوینٹی کپتان کیلئے تجویز کردیا
خیال رہے کہ مکی آرتھر کو دو ہزار سولہ میں پاکستان ٹیم کے ہیڈ کوچ کی ذمے داریاں سونپی گئیں تھی۔ اس سے قبل مکی آرتھر جنوبی افریقا اور آسٹریلوی ٹیم کی کوچنگ کرچکے ہیں۔
ان کی کوچنگ میں پاکستان نے آئی سی سی چیمپینز ٹرافی جیتی اور ٹی 20 میں نمبر ون کی پوزیشن حاصل کی، البتہ ٹیسٹ اور ون ڈے میں پاکستان اچھی کارکردگی نہیں دکھا سکا۔ ورلڈ کپ 2019 میں بھی کارکردگی اوسط درجے کی رہی۔
