اسلام آباد: وفاقی مشیر خزانہ مفتاح اسماعیل کا کہنا ہے کہ آئندہ بجٹ میں ٹیکس ریلیف دے رہے ہیں۔ ٹیکس میں متوسط طبقے کو ریلیف دیا جا رہا ہے۔
تفصیلات کے مطابق وفاقی مشیر خزانہ مفتاح اسماعیل کا کہنا ہے کہ سابق وزیر اعظم نواز شریف کی معاشی پالیسیوں نے معاشی قبلہ درست کیا۔
انہوں نے کہا کہ نادرا کے ساتھ مل کر ٹیکس گزاروں کی تعداد بڑھائیں گے، ٹیکس چور غیر ملکی دورے کر رہے ہیں اور ٹیکس نہیں دیتے۔ ’نادرا 10 لاکھ ایسے لوگوں کا ڈیٹا دے رہا ہے جو ٹیکس دہندہ نہیں‘۔
انہوں نے کہا کہ اب حکومت زمینوں کا ریٹ طے نہیں کرے گی۔ ریٹ مارکیٹ ویلیو سے 50 فیصد کم ظاہر کرنے والا گھاٹے میں رہے گا۔
ان کے مطابق کم ریٹ کی زمین 75 فیصد دے کر خرید لی جائے گی۔
مشیر خزانہ کا مزید کہنا تھا کہ آئندہ بجٹ میں ٹیکس ریلیف دے رہے ہیں۔ ٹیکس میں متوسط طبقے کو ریلیف دیا جا رہا ہے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
