امریکی وزیرخارجہ کا وزیراعظم کو فون، مل کر کام کرنےکی خواہش کا اظہار Imran Khan
The news is by your side.

Advertisement

امریکی وزیرخارجہ کا وزیراعظم کو فون، کامیابی پرمبارک باد، مل کر کام کرنے کی خواہش کا اظہار

اسلام آباد: امریکی وزیر خارجہ مائیک پومپیو نے وزیراعظم عمران خان سے ٹیلی فونک رابطہ کیا ہے.

تفصیلات کے مطابق اس ٹیلی فونک رابطے میں امریکی وزیرخارجہ کی جانب سے دو طرفہ تعمیری تعلقات کے لئے نئی حکومت سےمل کر کام کرنےکی خواہش کا اظہار کیا گیا۔

اس موقع پر مائیک پومپیو نے وزیراعظم عمران خان کو الیکشن میں کامیابی پرمبارک باد دی. دونوں رہنماؤں کی گفتگو میں افغان امن عمل میں پاکستان کے کلیدی کردارپر بات کی گئی.

اس موقع پر مائیک پومپیو نے کہا کہ پاکستان افغان امن عمل کے فروغ کے لئےکردارادا کرے، نئی پاکستانی حکومت کے ساتھ کام کرنےکےمنتظر ہیں. امریکی وزیرخارجہ نے وزیراعظم عمران خان کے لئے نیک خواہشات کا اظہار کیا.

اس موقع پر وزیراعظم عمران خان نے کہا کہ دوطرفہ تعلقات باہمی اعتماد کی بنیاد پرمضبوط بنانا ہوں گے، خطےمیں امن اوراستحکام بہت اہم ہے.

مزید پڑھیں: افغان امن کے لیے وزیراعظم عمران خان کے بیانات حوصلہ افزا ہیں: ایلس ویلز

اس گفتگو میں دونوں رہنماؤں نے افغانستان میں امن کو دونوں ممالک کے لئے اہم اور کلیدی قرار دیا.

یاد رہے کہ چند روز قبل امریکی نائب وزیرخارجہ برائے جنوبی ایشیا ایلس ویلز نے اپنے ایک بیان میں‌ کہا تھا کہ افغان امن کے لیے وزیر اعظم عمران خان کے بیانات حوصلہ افزا ہیں، تعلقات میں بہتری آئی ہے۔

اطلاعات کے مطابق امریکی وزیر خارجہ جلد پاکستان کا دورہ کریں گے۔

Comments

comments

یہ بھی پڑھیں