پشاور: سابق امیر جماعت اسلامی سراج الحق نے کہا ہے کہ جماعت اسلامی فوجی عدالتوں کے حق میں نہیں ہے۔
اے آر وائی نیوز سے گفتگو کرتے ہوئے کہ سابق امیر جماعت اسلامی سراج الحق نے کہا کہ ان کی خواہش ہے کہ حکومت اور پی ٹی آئی مذکرات کامیاب ہوں لیکن اس کے لیے کوئی سنجیدہ نہیں ہے۔
سراج الحق کا کہنا تھا کہ اسلام آباد میں چوہے اور بلی کا کھیل جاری ہے، کوئی بھی سنجیدہ نہیں ہے، لڑائی کی بجائے مذاکرات ہی بہترین راستہ ہے۔
انھوں نے کہا جماعت اسلامی فوجی عدالتوں کے حق میں نہیں ہے، سویلین عدالتوں کی موجودگی میں فوجی عدالتوں کی ضرورت نہیں، فوجی عدالتوں سے سزاؤں کے خلاف اپیلیں ہوں گی، اور یہ کیسز چلتے رہیں گے۔
سراج الحق کا کہنا تھا کہ 27 ویں آئینی ترمیم مفروضہ ہے، اس وقت کوئی چیز سامنے نہیں آئی، ترامیم کی تجویز صرف حکومت کو محفوظ بنانے کے لیے ہے، بری حکمرانی کو تسلسل دینے کے لیے آئین میں ترمیم کی تجویز دی جا رہی ہے۔
