اسلام آباد : پاکستان میں قومی انسدادپولیو مہم لاکھوں بچے پولیو ویکسی نیشن سے محروم رہے جبکہ ہزاروں والدین ویکسین پلانے سے انکاری تھے۔
تفصیلات کے مطابق ملک بھر میں لاکھوں بچے پولیو ویکسی نیشن سے تاحال محروم ہیں ، ذرائع کا کہنا ہے کہ گزشتہ قومی انسدادپولیو مہم 23تا 29مئی چلائی گئی تھی، جس میں 4 لاکھ 33 ہزار 173 بچے پولیو ویکسین سےمحروم رہے۔
،ذرائع نے بتایا کہ گزشتہ پولیو مہم میں 3 لاکھ 77 ہزار 166 بچے ویکسی نیشن کیلئے دستیاب نہیں تھے جبکہ مہم میں 56 ہزار 007 والدین ویکسین پلانے سے انکاری تھے۔
ذرائع نے کہا کہ گزشتہ مہم میں پولیو ویکسین سے محروم بیشتر بچوں کا تعلق سندھ سے تھا جبکہ سندھ میں 29 ہزار 740 والدین ویکسی نیشن سے انکاری تھے اور 96 ہزار 295بچے دستیاب نہیں تھے۔
ذرائع کے مطابق کے پی میں 20 ہزار 040 والدین ویکسی نیشن سے انکاری اور 72 ہزار 139بچے دستیاب نہیں تھے، اسی طرح بلوچستان میں 5 ہزار 954 والدین ویکسی نیشن سے انکاری تھے۔
گزشتہ پولیو مہم میں بلوچستان میں 68 ہزار 349 بچے اور پنجاب میں 1لاکھ 34 ہزار 666 بچے پولیو ویکسی نیشن کیلئے دستیاب نہیں تھے۔
ذرائع نے بتایا کہ اسلام آباد میں 157 والدین ، جی بی میں 3والدین اور آزادکشمیر 91 والدین ویکسین سے انکاری تھے جبکہ اسلام آباد میں 4 ہزار 028بچے ، جی بی میں 345 بچے اور آزادکشمیر میں دستیاب نہیں تھے.
