اسلام آباد: وزارت خزانہ نے مالی سال 2026 تک مہنگائی کی شرح 6.5 فیصد کی سطح پر کنٹرول کرنے کا ہدف مقرر کیا ہے۔
تفصیلاے کے مطابق وزارت خزانہ نے مڈٹرم ڈیٹ اسٹریٹجی رپورٹ 2023 سے 2026 جاری کردی ہے، رپورٹ میں 2026 تک جی ڈی پی گروتھ 5.5 فیصد اور قرضوں میں کمی کا ہدف مقرر کیا گیا ہے۔
وزارت خزانہ کی رپورٹ کے مطابق مالی سال 2026 تک مہنگائی کی شرح 6.5 فیصد اور اگلے مالی سال 2025 میں مہنگائی 7.5 فیصد کی سطح پر کنٹرول کرنے کا ہدف ہے۔
آئندہ مالی سال جی ڈی پی گروتھ 5.0 فیصد اور مالیاتی خسارہ 5.1 فیصد تک محدود کرنےکا ہدف ہے۔
مڈٹرم ڈیٹ اسٹریٹجی رپورٹ کے مطابق پاکستان کو رواں مالی سال 5.7 ٹریلین، آئندہ مالی سال 5.5 ٹریلین روپے قرض کی ادائیگیاں کرنا ہوں گی، مالی سال 2026 مالی سال 2027 کےدوران قرضوں کی ادائیگیوں کا بوجھ کم ہوگا۔
وزارت خزانہ کا کہنا ہے کہ قرض حاصل کرنے کیلئے بانڈز کا اجرا اور طویل مدتی پالیسی پر قرض لینا ترجیح ہو گی، فکسڈ شرح سود کی نسبت فلوٹنگ ریٹ پر قرض حاصل کیا جائےگا جبکہ بیرونی قرض ملکی مجموعی قرض کا 40 فیصد تک لیا جا سکےگا۔
