لاہور : وزارت بین الصوبائی رابطہ نے پاکستان کرکٹ بورڈ ( پی سی بی ) کو ایک اور مراسلہ بھیج دیا، جس میں آئندہ دو روز میں مالی معاملات، تعیناتیوں اور ریجنل انتخابات سے متعلق رپورٹ طلب کرلی۔
تفصیلات کے مطابق پاکستان کرکٹ بورڈ (پی سی بی) اور وزارت بین الصوبائی رابطہ میں ٹھن گئی، وزارت بین الصوبائی رابطہ نے ایک اور مراسلہ بھیج دیا۔
نئے مراسلہ میں کہا گیا ہے کہ آئندہ دوروزمیں رپورٹ وزارت کوجمع کرائی جائے،رپورٹ نہ دی تومعاملہ اعلی حکام تک پہنچایا جائے گا۔
وزارت بین الصوبائی رابطہ اور PCB میں ٹھن گئی۔بورڈ کی جانب سے تفصیلات نہ دینےپر وزارت برہم۔PCBکو ایک اور مراسلہ بھیج دیا۔7روز کے مقررہ وقت میں رپورٹ جمع نہیں کروائی گئی۔بورڈکے مالی معاملات۔تعیناتیوں ریجنل انتخابات کی رپورٹطلب کی تھی۔اگلے۲روز تک رپورٹ جمع نہ کروائی تومعاملہ بڑھے گا pic.twitter.com/3Rb6acelcY
— Naeem Ashraf Butt (@NaeemAshrafBut2) May 16, 2023
اس سے قبل وزات بین الصوبائی رابطہ نے بیس اپریل کومینجمنٹ کمیٹی سےچارماہ کی رپورٹ مانگی تھی، جس میں مالی معاملات،تعیناتیوں اورریجنل انتخابات کی تفصیل طلب کی گئی تھیں۔
پاکستان کرکٹ بورڈ (پی سی بی) نے نوٹس میں دی گئی سات روز کی مہلت گزرجانے کے باجود رپورٹ وزارت کونہیں بھیجی۔
