The news is by your side.

Advertisement

نابالغ سیاستدان کو اپنی جماعت میں کٹھ پتلیاں نظر نہیں آتیں، معاون خصوصی

حافظ آباد: معاون خصوصی فردوس عاشق اعوان نے کہا ہے کہ دوسروں کوکٹھ پتلی کہنےوالوں کی پوری جماعت کٹھ پتلی ہے، سندھ کا وزیراعلیٰ بھی کٹھ پتلی ہے، نابالغ سیاستدان کواپنی جماعت میں کٹھ پتلیاں نظرنہیں آتیں۔

حافظ آباد میں میڈیا سے گفتگو کرتے ہوئے فردوس عاشق اعوان نے کہا کہ بلاول بھٹولاڑکانہ میں کتوں کےکاٹنےکی شرح دیکھ لیں، پوراسندھ موہنجو دڑو کامنظرپیش کررہاہے، آپ نےبھٹو کےنظریےکودفن اور کرپشن کے نظریے کو زندہ کیا ہے جب کہ روشنیوں کے شہرکراچی کوکچراکنڈی میں تبدیل کردیاگیا، سندھ میں بھٹوزندہ ہےمگرغریب عوام مررہی ہے۔

انہوں نے کہا کہ بلاول کارشتہ کرپشن سےابھی تک قائم ہے ملک کی دولت لوٹ کربیرون ملک منتقل کی گئی، ضدی بچہ ہرجلسےمیں امپائرکی انگلی کاذکرکرتاہے دراصل کرپشن کی وجہ سےپیپلزپارٹی آج دفن ہوگئی۔

معاون خصوصی کا کہنا تھا کہ ایک خاندان بیماری کی وجہ سےملک سےچلاگیا، ایک بیمار باہر گیا تو دوسرا سہولت کار بھی باہر گیا، کیاآپ نےکبھی سنا ہے بیمار کےساتھ سہولت کاربھی جائےگا،سہولت کارکاقومی اسمبلی کاچیمبربھی خالی ہے۔

انہوں نے کہا کہ شہبازشریف نےقوم کاپیسہ لوٹ کربچوں کےنام پرمحل بنائے، شہبازشریف نےدھیلےکی نہیں اربوں کی کرپشن کی ہے ملک کونسل درنسل لوٹنےوالے اقتدارسے باہر ہوکر پریشان ہیں، پاکستان کاقانون آپ کوبلارہاہے۔

فردوس عاشق اعوان کا کہنا تھا کہ ماضی کے حکمرانوں نے10 سال ملک کو ادھار پرچلایا، مہنگائی کے ذمےدار ماضی کے حکمران ہیں مجھےاحساس ہےمہنگائی سےعام شہری مشکلات کاشکارہے تاہم وزیراعظم عمران خان عوام کو مہنگائی سےنجات دلائیں گے، انصاف کی فراہمی یقینی بناناتحریک انصاف کامنشورہے اختیارات کونچلی سطح پرمنتقل کرناوزیراعظم عمران خان کامشن ہے مگر اقتدار سے دور رہنے والے پریشان ہیں۔

Comments

comments

یہ بھی پڑھیں