The news is by your side.

Advertisement

مصباح الحق ہیڈ کوچ کی دوڑ میں شامل ہوگئے

لاہور: قومی کرکٹ ٹیم کے سابق کپتان مصباح الحق بھی ہیڈ کوچ کی دوڑ میں شامل ہوگئے۔

تفصیلات کے مطابق پاکستان کو ٹیسٹ کی نمبر ون ٹیم بنانے والے مصباح الحق ہیڈ کوچ کی ذمہ داریاں نبھانے کے لیے تیار ہیں، انہوں نے پی سی بی کرکٹ کمیٹی کے عہدے سے استعفیٰ دے دیا اور ہیڈ کوچ کے لیے درخواست جمع کرادی ہے۔

مصباح الحق کا کہنا ہے کہ ہیڈ کوچ کی تعیناتی کے لیے سخت مقابلے کی توقع ہے، محسن خان، ڈین جونز اور وقار یونس بھی کوچنگ کی دوڑ میں شامل ہیں۔

مصباح الحق کا کہنا تھا کہ پاکستان کرکٹ ٹیم کے ساتھ کام کرنا کسی شخص کے لیے بھی ایک خواب ہوتا ہے اور قومی کرکٹ ٹیم کھیل کے تینوں فارمیٹ میں بہترین کارکردگی دکھانے کی اہلیت رکھتی ہے۔

مزید پڑھیں: وقار یونس قومی کرکٹ ٹیم کی کوچنگ کی دوڑ میں شامل

مصباح الحق ہیڈ کوچ کے لیے مضبوط ترین امیدوار سمجھے جارہے ہیں، انہیں چیف سلیکٹر کی ذمہ داری بھی سونپی جاسکتی ہے۔

واضح رہے کہ ہیڈ کوچ کے لیے درخواست جمع کرانے کا آج آخری دن ہے۔

یاد رہے کہ چند روز قبل قومی کرکٹ ٹیم کے سابق ہیڈ کوچ اور کپتان وقار یونس نے قومی ٹیم کے بولنگ کوچ کے لیے درخواست دائر کی تھی۔

پاکستان کرکٹ بورڈ قومی کرکٹ ٹیم کے ہیڈ کوچ کی تعیناتی کا عمل ستمبر کے آغاز میں مکمل کرلے گا ، نئی تعیناتی 27 ستمبر سے سری لنکا کے خلاف شروع ہونے والی سیریز سے قبل قومی کرکٹ ٹیم کو جوائن کرے گی۔

Comments

comments

یہ بھی پڑھیں