site
stats
خیبر پختونخواہ

مشعال قتل کیس : گرفتار ملزمان کی تعداد 15 ہوگئی

پشاور: مشعال قتل کیس میں مزید سات ملزمان ایک روزہ ریمانڈ پرپولیس کے حوالے کردیئے گئے۔ کل ملزمان کو انسداد دہشت گردی کی عدالت میں پیش کیا جائےگا۔ گرفتار ملزمان کی تعداد پندرہ ہوگئی، چیف جسٹس آف پاکستان نےبھی واقعے کا ازخودنوٹس لےلیا۔

تفصیلات کے مطابق مشعال قتل کیس کی تحقیقات میں تیزی آگئی ہے۔ آئی جی کے پی کےصلاح الدین محسود کو ڈی آئی جی آفس میں مشعال خان قتل کیس کے بارے میں مکمل بریفنگ دی گئی۔ بریفنگ میں آئی جی کو کیس میں ہونے والی پیشرفت سے آگاہ کیاگیا۔

مشعال کے قتل کے الزام میں مزید دوملزمان کو گرفتارکرلیا گیا۔ جس کے بعد گرفتار ملزمان کی تعداد پندرہ ہوگئی۔ دونوں ملزمان کو فوٹیج کی مدد سےگرفتارکیا گیا۔ ملزمان سے تحقیقات جاری ہیں۔

مشعال قتل کیس میں گرفتار آٹھ ملزمان کو گذشتہ روز انسداد دہشت گردی عدالت میں پیش کیا گیا جہاں انہیں چار روزہ جسمانی ریمانڈ پر پولیس کےحوالے کردیاگیا۔

عدالت عظمیٰ کےچیف جسٹس جسٹس میاں ثاقب نثار نے مشعال خان کے قتل کے افسوسناک واقعے کا ازخود نوٹس لےلیا۔ چیف جسٹس نےآئی جی خیبرپختونخواکو ہدایت کی ہےکہ نوجوان مشعل کے قتل کے حوالے سے چھتیس گھنٹےمیں تفصیلی رپورٹ فراہم کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top