پاکستان شوبز انڈسٹری کی سینئر اداکارہ اور میزبان مشی خان نے ٹک ٹاک اکاؤنٹس اور ٹک ٹاک لائیو پر بیہودہ مواد شیئر کرنے والے پاکستانی صارفین کو کھری کھری سنادیں۔
سوشل میڈیا اکاؤنٹ انسٹاگرام پر مشی خان نے ایک ویڈیو پیغام جاری کیا جس میں انہیں معمول کے مطابق ڈرائیونگ کے دوران پیغام ریکارڈ کرتے ہوئے دیکھا جا سکتا ہے۔
اداکارہ نے کہا کہ ابھی پاکستان میں ٹک ٹاک نے لائیو کی سہولت متعارف نہیں کروائی مگر کچھ صارفین یو کے اور دیگر ممالک کے سم کارڈ استعمال کرکے پاکستان میں ٹک ٹاک لائیو بنانے میں مصروف ہوچکے ہیں اور انتہائی غلاظت پھیلا رہے ہیں۔
اداکارہ کا اپنے ویڈیو پیغام میں کہنا تھا کہ میں گزشتہ دنوں یوٹیوب پر کچھ تلاش کر رہی تھی کہ میرے سامنے ٹک ٹاک لائیو کی کچھ ویڈیوز نمودار ہوگئیں، مجھ سے یہ ویڈیوز دیکھی تک نہیں گئیں، گھر بیٹھی خواتین نامناسب حرکات کرنے میں مصروف ہیں۔
اداکارہ نے کہا کہ معاشرے کا پہلے ہی برا حال ہے اور اب گھر بیٹھی خواتین اور مرد حضرات پیسے کمانے کے چکروں میں مزید بیہودگی پھیلانے میں مصروف ہوچکے ہیں۔
وینا ملک نے بگ باس میں دوسری بار شرکت نہ کرنے کی وجہ بتادی
اُن کا مزید کہنا تھا کہ ٹک ٹاک لائیو پر بہت بیہودگی پھلائی جا رہی ہے، کوئی کسی کو شیر مار رہا ہے تو کوئی سزا کے نام پر غلیظ حرکتیں اور گالیاں دے رہا ہے۔
