واشنگٹن : پورتوریکو کی اسٹیفینی ڈیل ویلے نے مس ورلڈ2016 کا خطاب اپنے نام کرلیا۔
امریکہ کے دارالحکومت واشنگٹن کے نزدیک نیشنل ہاربر میں 66ویں مس ورلڈ مقابلے کا انعقاد کیا گیا ، مقابلے میں پورتو ریکو 19سالہ اسٹیفینی نے دنیا بھر کی 100سے زیادہ خوبصورت لڑکیوں کو ہراکر مس ورلڈ 2016کا تاج اپنے نام کیا۔
مس ورلڈ کے مقابلے میں دنیا بھر سے حسیناؤں نے شرکت کی، مختلف ممالک کی 100 خوبصورت دوشیزاوں نے مس ورلڈ کا ٹائٹل اپنے نام کرنے کے لیے ریمپ پر واک کی۔
مس ڈامینیکن ریپبلیکن یارتزا مگوئلینا رییس رمی ریز دوسرے اور مس انڈونیشیا نتاشا مینوئلا تیسرے نمبر پر رہی۔
مس ورلڈ کا تاج اسٹیفنی کے سر پر سجایا گیا تو جذبات پر قابو نہ رکھ سکیں اور ان کی آنکھیں بھر آئیں۔
انیس سالہ اسٹیفنی ڈیل ویلے کالج کی طالبہ ہیں اور مستقبل میں انٹرٹینمینٹ کی دنیا میں نام کمانا چاہتی ہیں ، انہیں 2015 ءکی مس ورلڈ اسپین کی میریا لالاگُونا نے تاج پہنایا تھا۔