site
stats
پاکستان

مشن رائیونڈ ، تحریک انصاف کا راستے بند ہونے کی صورت میں پلان بی تیار

لاہور: تحریک انصاف نے رائیونڈ مارچ کے راستے بند ہونے کی صورت میں پلان بی تیار کرلیا ہے، فیصل واوڈا نے اڈا پلاٹ تک پہنچنے کیلئے متبادل حکمت عملی تیارکرلی جبکہ کپتان نے قافلوں کی قیادت بھی بانٹ دی ہے۔

تحریک انصاف کا مشن رائیونڈ مارچ شروع ہونے میں دو دن باقی ہے، اڈا پلاٹ تک کیسے اور کس طرح پہنچنا ہے حکمت عملی تیار کرلی گئی ہے اور ذمہ داریاں بھی سونپ دی گئیں ہیں جبکہ راستے بند ہونے کی صورت میں پی ٹی آئی نے پلان بی ترتیب دے دیا ہے۔

فیصل واوڈا کراچی سے خصوصی گاڑیاں لے کر لاہور روانہ ہونے کو تیار ہیں، انہوں نے ساتھیوں کے ہمراہ نقشے پر سارا پلان ترتیب دیا کہ راستے بند ہوئے تو کیسے پہنچنا ہے۔


مزید پڑھیں : رائیونڈکسی کی جاگیر نہیں،پورےپاکستان سے لوگوں کو رائیونڈ لے کرجائیں گے، عمران خان


ذرائع کے مطابق لاہور آنیوالی گاڑیوں میں بلٹ پروف، بم پروف اور الیکٹرانک جیمر شامل ہیں، فیصل واوڈا کی ٹیم میں پچاس سے زائد تربیت یافتہ کارکن ہیں، کپتان نے رائیونڈ مارچ کے قافلوں کی ذمہ داری بھی سونپ دی۔


مزید پڑھیں :  رائیونڈ مارچ : صوبائی حکومت کوئی رکاوٹ نہیں‌ ڈالے گی، رانا ثناء اللہ


خیبر پختون خوا سے آنے والے قافلوں کی قیادت پرویز خٹک کریں گے، جنوبی پنجاب کے قافلے شاہ محمود قریشی اور اسحاق خاکوانی کی قیادت میں مارچ کریں گے، عارف علوی، فردوس شمیم اور عمران اسماعیل سندھ کے قافلے لیکر رائیونڈ پہنچیں گے۔

بلوچستان کا قافلہ یار محمد رند کی قیادت میں پہنچے گا، فیصل آباد سے چوہدری سرور، ساہیوال سے اعجاز چوہدری، راولپنڈی سے عامرکیانی اور لاہور سے قافلوں کی قیادت علیم خان کریں گے۔

چیئرمین عمران خان زمان پارک لاہور سے رائیونڈ پہنچیں گے۔


مزید پڑھیں: پاکستان بھر سے لوگ 30 ستمبر کو رائے ونڈ پہنچیں، عمران خان


واضح رہے کہ سربراہ تحریک انصاف عمران خان نے 30 ستمبر کو رائے ونڈ میں احتجاج کا اعلان کرتے ہوئے پاکستان بھر کے عوام سے رائے ونڈ پہنچنے کی درخواست کی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top