آسٹریلوی آل راؤنڈر مچل مارش نے بھارت میں شیڈول ورلڈکپ 2023 میں فائنل سے متعلق بڑی پیشگوئی کی ہے۔
یوٹیوب پوڈ کاسٹ میں آسٹریلوی آل راؤنڈر مچل مارش نے سابق اوپنر ایڈم گلکرسٹ اور انگلینڈ کے سابق کپتان مائیکل وان نے شرکت کی۔
اس موقع پر سابق انگلش کپتان مائیکل وان نے آسٹریولی کرکٹر سے سوال کیا کہ ورلڈکپ کون جیتنے والا ہے، بھارت، پاکستان یا انگلینڈ؟۔
جس پر آسٹریلوی آل راؤنڈر مچل مارش نے جواب دیتے ہوئے کہا کہ میں ایمانداری سے سمجھتا ہوں کہ فائنل آسٹریلیا بمقابلہ پاکستان ہوگا۔
India 🇮🇳 🏏 fans look away now as Mitch Marsh gives his #CWC prediction…
Episode Five is out now with the Australia 🇦🇺 captain joining Club Prairie Fire 🔥
Link: https://t.co/l1r7GI7vUv #clubprairiefire pic.twitter.com/KyDgwUzYRQ
— Club Prairie Fire (@clubprairiefire) September 8, 2023
انہوں نے کہا کہ آسٹریلیا ورلڈ کپ میں بھارت کو 65 رن پر آؤٹ کردےگا جبکہ پاکستان کی ٹیم زبردست کرکٹ کھیل رہی ہے۔
اس سے قبل سابق آسٹریلوی کرکٹر گلین میک گرا، انگلش کپتان آئن مورگن نے بھی پاکستان، آسٹریلیا، انگلینڈ اور بھارت کو سیمی فائنلسٹ ٹیموں کے حوالے سے پیشگوئی کی تھی۔
واضح رہے کہ آئی سی سی ون ڈے ورلڈکپ رواں سال اکتوبر میں بھارت میں کھیلا جائے گا، ایونٹ کا آغاز 5 اکتوبر سے دفاعی چیمپئن انگلینڈ اور فائنلسٹ نیوزی لینڈ کے درمیان احمد آباد میں ہوگا۔
جبکہ ورلڈ کپ میں پاک بھارت ٹاکرا 14 اکتوبر کو احمد آباد کے نریندر مودی اسٹیڈیم میں شیڈول ہے۔
