بھارتی فلم انڈسٹری کے معروف اداکار متھن چکرورتی نے سلمان خان اور ہریتیک روشن کی کامیابی کے پیچھے چھپے اصل محرکات سے پردہ اُٹھادیا۔
بھارتی میڈیا کے مطابق متھن چکرورتی کا کہنا ہے کہ سپر اسٹارز بننے کی روایت اب ختم ہوچکی ہے، سلمان، شاہ رخ، ہریتیک روشن اور میتابھ بچن جیسے اداکاروں کو سنگل اسکرین سینیما کا شکرگزار ہونا چاہیے جس نے انہیں سپر اسٹار بنا دیا۔
متھن چکرورتی نے حالیہ انٹرویو میں بھارتی فلم انڈسٹری میں ایک بڑا اسٹار بننے کی مشکلات کے بارے میں تفصیلی گفتگو کی۔
متھن کے خیال میں ان روایتی تھیٹروں نے ان اداکاروں کو اپنے کیریئر میں طویل عرصے تک مقبول اور کامیاب بنانے میں مدد کی۔
انہوں نے کہا کہ امیتابھ بچن، سلمان خان، شاہ رخ خان، عامر خان، اور ہریتک روشن جیسے مشہور اداکار پرانے طرز کے سنگل اسکرین فلم تھیٹرز کی وجہ سے سپر اسٹار بن گئے۔
جبکہ آج کل تو فلم کی کامیابی کا فیصلہ صرف پہلے 2 سے 3 دنوں میں ہو جاتا ہے۔ اس سے اداکاروں کے لیے سپر اسٹار بننا کافی مشکل ہو جاتا ہے۔
مزید یہ کہ متھن نے کہا کہ ایک جدید طریقے کے ساتھ دوبارہ سے انڈسری میں مسالہ انٹرٹینرز جیسے موضوعات پر کام کرنے کی ضرورت ہے۔ جیساکہ ہالی ووڈ کی کامیاب فلم دی ایوینجرز اس زمرے میں بہترین مثال ہے۔
کریتی سینن کی گولڈن سلک ساڑھی میں خوبصورت تصاویر وائرل
بھارتی فلم انڈسٹری کے معروف اداکار متھن نے ان چیلنجز کے باوجود ثابت قدم رہنے اور ہر لمحے بدلتی ہوئی فلم انڈسٹری میں مسلسل کوششیں کرنے کی اہمیت پر زور دیا۔
