بھارتی فلم انڈسٹری کی معروف اداکارہ کریتی سینن نے اپنی نئی تصاویر سوشل میڈیا پر شیئر کی ہیں، مداحوں کی جانب سے جنہیں خوب پسند کیا جارہا ہے۔
فوٹو اور ویڈیو شیئرنگ ایپ انسٹاگرام پر خوبرو اداکارہ کریتی سینن کی جانب سے اپنی چند تصاویر شیئر کی گئی ہیں، جس میں انہیں گولڈن سلک ساڑی میں ملبوس دیکھا جاسکتا ہے۔
کریتی سینن کبھی بھی مغربی لباس کے ساتھ ساتھ شاندار روایتی ہندوستانی لباس میں باہر نکلنے کا موقع ہاتھ سے نہیں جانے دیتیں، تاہم، ریشم کی ساڑی میں ان کے حالیہ فوٹو شوٹ نے سوشل میڈیا صارفین کی توجہ حاصل کرلی ہے۔
View this post on Instagram
بھارتی اداکارہ کی جانب سے شیئر کی گئی تصاویر پر ان کے مداحوں کی جانب سے پسندیدگی کا اظہار کیا جارہا ہے۔
اس سے قبل اداکارہ کریتی سینن نے اپنے خلاف شائع ہونے والی جعلی خبروں اور مضمون پر سخت ردعمل کا اظہار کیا تھا۔
بھارتی میڈیا کی رپورٹس کے مطابق کریتی سینن نے انسٹاگرام کے ذریعے جاری کردہ بیان میں تردید کی کہ وہ کسی تجارتی پلیٹ فارم کی تشہیرنہیں کر رہیں۔
کریتی سینن حال ہی میں‘کافی ود کرن‘ شو کی مہمان بنی جس کے بعد ان کے خلاف کچھ خبریں اور مضمون شائع ہوئے۔ ان میں دعویٰ کیا گیا کہ وہ تجارتی پلیٹ فارم کی تشہیرکر رہی ہیں۔
انسٹاگرام پر جاری اپنے بیان میں بالی وڈ اداکارہ نے لکھا کہ میرے متعلق جعلی خبریں ہیں کہ میں تجارتی پلیت فارم کی تشہیر کر رہی ہوں۔
انہوں نے کہا کہ یہ خبریں یا مضمون حقیقت سے بالکل منافی ہیں اور ان میں کوئی سچائی نہیں، اس کی وجہ سے میرے ساکھ کو نقصان پہنچا، میں نے شو میں اس متعلق کوئی بیان نہیں دیا تھا۔