ممبئی: ایشیا کے امیر ترین شخص بھارتی بزنس ٹائیکون مکیش امبانی کے سب سے چھوٹے بیٹے اننت امبانی کی دوسری پری ویڈنگ تقریب کی تفصیلات سامنے آگئی۔
بھارتی میڈیا کے مطابق بھارتی ریاست گجرات کے جام نگر شہر میں تین روزہ پری ویڈنگ فیسٹیول کے بعد مکیش امبانی اور نیتا امبانی اننت امبانی اور رادھیکا مرچنٹ کے لیے شادی سے پہلے دوسری یری ویڈینگ پارٹی کی تیاری میں مصروف ہیں۔
بھارتی میڈیا رپورٹ کے مطابق اننت امبانی اور رادھیکا مرچنٹ کی دوسری پری ویڈنگ پارٹی لگژری کروز ہوگی، جس میں 800 اہم ترین مہمان شرکت کریں گے۔
رپورٹ کے مطابق لگژی جہاز میں ہونے والی یہ پارٹی ت 28 اور 30 مئی کے درمیان جنوبی فرانس کے ساحل پر ایک کروز شپ پر ہوں گی، کروز اٹلی سے روانہ ہوگا اور 800 مہمانوں کے ساتھ جنوبی فرانس میں اپنے سفر کا اختتام کرے گا۔
مہمانوں کی فہرست میں ممکنہ طور پر سلمان خان، شاہ رخ خان، عامر خان، رنبیر کپور اور عالیہ بھٹ شامل ہوں گے، امبانی نے 800 مہمانوں کے علاوہ 600 مہمان نوازی کا عملہ بھی رکھا ہے جو مہمانوں کا خیال رکھیں گے۔
یاد رہے جام نگر میں ہونے والی تقریب میں دنیا بھر سے تقریباً 1,200 مہمانوں نے شرکت کی تھی جن میں میٹا کے بانی مارک زکربرگ، مائیکروسافٹ کے شریک بانی بل گیٹس سمیت دیگرنامورشخصیات نے شرکت کی تھی۔
واضح رہے کہ امیر ترین مکیش امبانی کے بیٹے اننت امبانی جولائی میں دیرینہ گرل فرینڈ رادھیکا مرچنٹ سے شادی کریں گے، ان کی شادی لندن میں ہوگی۔
