فلسطینی نژاد امریکی سپر ماڈل بیلا حدید نے کانز فلم فیسٹیول میں بھی فلسطین کی حمایت میں آواز بلند کردی۔
فلسطینی نژاد امریکی سپر ماڈل بیلا حدید نے 77 ویں کانز فلم فیسٹیول میں شرکت کی جہاں انہوں نے پابندی ہونے کے باوجود کیفیہ سے مشابہہ سرخ و سفید لباس زیب تن کرکے نقادوں کو خاموش کرا دیا۔
کانز فیسٹیول میں شریک آسکر ایوارڈ یافتہ اداکارہ کا فلسطینیوں سے اظہار یکجہتی کا منفرد انداز
فوٹو اینڈ ویڈیو شیئرنگ پلیٹ فارم انسٹاگرام پر سپر ماڈل بیلا حدید نے سرخ و سفید لباس میں چند تصاویر شیئر کی ہے جس میں انہیں کیفیہ سے مشابہہ ویسٹرن سوٹ میں دیکھا جاسکتا ہے۔
View this post on Instagram
فلسطینی نژاد امریکی سپر ماڈل کا منفرد لباس مظلوم فلسطینیوں سے یکجہتی کا اظہار کر رہا ہے، اس سے قبل فلسطین کی حمایت میں آواز بلند کرنے والی ماڈل کو کانز میں فلسطین کی حمایت نہ کیے جانے اور بولڈ لباس پہننے پر تنقید کا نشانہ بنایا جا رہا تھا۔
View this post on Instagram
خیال رہے کہ بیلا حدید ان دنوں فرانس میں منعقدہ فیشن کی دنیا کے سب سے بڑے میلے کانز میں شرکت کے لیے فرانس میں موجود ہیں، اس فیسٹیول میں سخت ہدایت و انتظامات کیے گئے ہیں۔
View this post on Instagram
واضح رہے کہ فلسطین سے اظہارِ یکجہتی کے لیے بر سوں سے مظاہرین فلسطینی پرچم تھامے مظاہرے کر رہے ہیں، اگرچہ فلسطین کے حامی مظاہرین مختلف انداز اور رنگ کے کیفیہ پہنتے ہیں، لیکن سب سے نمایاں سیاہ اور سفید کیفیہ ہے۔
