جمعہ, جون 21, 2024
اشتہار

میں اپنی فیملی کیساتھ پاکستان آنا چاہتا ہوں: شاہ رخ خان

اشتہار

حیرت انگیز

بالی ووڈ کے معروف سپر اسٹار اداکار شاہ رخ خان نے اپن فیملی کے ساتھ پاکستان آںے کی خواہش کا اظہار کیا تھا۔

سوشل میڈیا پر بالی ووڈ سپر اسٹار کی ایک پُرانی ویڈیو خوب وائرل ہو رہی ہے جس میں پاکستان کی سابق وزیر خارجہ حنا ربانی کھر سے سوال کیا آپ کب پاکستان اور پشاور آئیں گے؟

جس پر بھارتی فلمی دنیا کے کنگ شاہ رخ خان نے کہا ہے کہ جب میری عمر 16 سے 17 سال کے درمیان تھی، تو اپنے والد کے ہمراہ پاکستان گیا تھا، میرے والد کا تعلق پشاور سے ہے اور ہم اپنے آباؤ و اجداد کا شہر دیکھ چکا ہوں۔

- Advertisement -

شاہ رخ خان نے کہا کہ مجھے آج بھی یاد ہے کہ جب ہم پاکستان گئے تھے تو ہمیں بہت زیادہ پیار و عزت سے نوازا گیا تھا، ہم والد کے ہمراہ پشاور کے علاوہ سوات، لاہور اور کراچی بھی گئے تھے۔

شاہ رخ خان نے کہا کہ پاکستان بلخصوص پشاور کے لوگ پٹھان بڑے مہمان نواز ہیں، انہوں نے وضاحت دی کہ ’’اگر پاکستانیوں کے گھر جاکر ان کی کسی چیز کی تعریفیں کریں تو وہ چیز مہمان کے اپنے گھر پہنچنے سے پہلے ان کے گھر پہنچا دی جاتی ہے‘‘۔

شاہ رخ خان نے اس ویڈیو میں ہی پاکستان آنے کی خواہش کا اظہار  بھی کیا، کہا کہ میں اپنی فیملی کے ساتھ پاکستان آنا چاہتا ہوں، اور مجھے امید ہے ہمارے سیاستدانوں کے درمیان جو بھی تناؤ ہے وہ جلد ختم ہوگا اور ہم جلد دوست بن جائیں گے۔

واضح رہے کہ شاہ رخ خان کی مذکورہ ویڈیو ایک دہائی پرانے بھارتی ٹی وی پروگرام کی ہے جوکہ بھارت سے باہر شوٹ کیا گیا تھا اور اس پروگرام میں پاکستان کی سابق وزیر خارجہ حنا ربانی کھر بھی شریک ہوئی تھیں۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں