موبائل فون کا استعمال ہماری زندگی کی بڑی اور اہم ضروریات میں شمار ہوتا ہے، یہ ہمارے رابطوں کا آسان ذریعہ ہے وہیں اس کے نقصانات بھی ہیں جنہیں سامنے رکھتے ہوئے اس کا استعمال کرنا چاہیے۔
گزشتہ سالوں کئی بار کچھ ایسے واقعات میڈیا میں سامنے آئے کہ جس میں موبائل فون پھٹنے سے کئی صارفین شدید زخمی ہوئے، ایسا ہی ایک واقعہ بھارت کے ایک چھوٹے سے گاؤں میں بھی پیش آیا۔
بھارتی ریاست تلنگانہ کی محبوب آباد ضلع کے پیڈا گڈورو گاؤں میں ایک نوجوان کسان روی فصل بیچنے بازار آیا تھا اس دوران وہ شخص فون پر محو گفتگو تھا کہ اچانک اس کے ہاتھ میں موجود موبائل کان کے پاس دھماکے سے پھٹ گیا، جس کے نتیجے میں روی معمولی زخمی ہوا ہے۔
بھارتی میڈیا کے مطابق فون پھٹتے ہی روی نے حاضر دماغی سے اپنا فون زمین پر پھینک دیا، بتایا جارہا ہے کہ فون گرم ہونے کے باعث پھٹا۔
رپورٹ میں بتایا گیا ہے کہ سیل فون پھٹنے سے وہاں موجود کسانوں میں خوف و ہراس پھیل گیا کیوں کہ ایک چھوٹے سے گاؤں میں سیل فون پھٹنا کوئی معلوم بات نہیں ہے۔
