اسلام آباد: ملک بھر کے بڑے شہروں میں یوم عاشور کی سیکیورٹی کے لیے بند کی گئی موبائل فون سروس بحال ہونا شروع ہوگئی۔
ملک بھر کے بڑے شہروں سے موصولہ اطلاعات کے مطابق کراچی، لاہور، کوئٹہ، پشاور، فیصل آباد، حیدرآباد، نواب شاہ، گلگت، ہری پور اور جیکب آبادسمیت دیگر شہروں میں موبائل فون سروس کی بحالی شروع ہوگئی ہے تاہم بعض شہروں میں سروس کی جزوی طور پر بحالی کی بھی اطلاعات ہیں۔
اسی سے متعلق: سندھ کے مختلف شہروں میں موبائل سروس معطل
واضح رہے کہ مختلف شہروں میں موبائل فون سروس دوپہر ساڑھے بارہ بجے بند کی گئی تھی جو اب بحال ہوگئی ہے۔
یہ پڑھیں: وفاقی دارالحکومت میں موبائل سروس بند نہ کرنےکافیصلہ
قبل ازیں ملک بھر میں موبائل فون سروس بند کرنے کا فیصلہ کیا گیا تاہم اسلام آباد کو اس فیصلے سے مستثنیٰ قرار دیا گیا تھا۔
یہ بھی پڑھیں: موبائل فون سروس کی بندش،ملک بھر میں اعلان باقی، وفاق خاموش
صوبائی حکومتوں نے فیصلہ کیا تھا کہ نو اور دس محرم الحرام کو موبائل فون سروس بند رہے گی تاہم آٹھ محرم کو رات گئے تک بھی وفاق اس معاملے پر خاموش رہا اور اس خاموشی کا فائدہ عوام کو یہ پہنچا کہ نو محرم کو موبائل فون سروس بند نہ ہوئی۔
