اسلام آباد : ملک بھر میں465ماڈل کورٹس نے آج مجموعی طور پر914مقدمات کا فیصلہ سنا دیا، چار مجرمان کو پھانسی جبکہ09 کو عمرقید کی سزا سنائی گئی، عدالتوں نے گواہان کے بیانات قلمبند کیے۔
تفصیلات کے مطابق پاکستان بھر کی ماڈل کورٹس میں مقدمات کی تیز ترین سماعتیں جاری ہیں، پیر کے روز ملک بھر میں قائم465ماڈل کورٹس نے مجموعی طور پر914 مقدمات کے فیصلے سنائے، جبکہ182ماڈل کریمنل ٹرائل کورٹس نےقتل اور منشیات فروشی کے144 مقدمات کا فیصلہ سنایا۔
عدالتوں نے چار مجرمان کو سزائے موت جبکہ09کو عمر قید کی سزائیں سنائیں، فیصلوں کے مطابق مجموعی طور پر44مجرمان کو71سال قیداور4018800 روپےجرمانہ کی سزا سنائی گئی۔
اس کے علاوہ125سول ایپلٹ کورٹس نے338دیوانی، فیملی اور رینٹ اپیلوں کے فیصلے کیے،158ماڈل مجسٹریٹس عدالتوں نے432مقدمات کے فیصلے کردیئے جس میں مجموعی طور پر202مجرمان کو177سال قید،1727360روپے جرمانہ کی سزا سنائی گئی۔
