The news is by your side.

Advertisement

فضائی مسافروں کو جدید ٹیکنالوجی کے ذریعے عالمی سفری سہولیات کی فراہمی

کراچی : سول ایوی اتھارٹی نے مسافروں کو جدید ٹیکنالوجی کے ذریعے عالمی سفری سہولت متعارف کرانے کا فیصلہ کیا ہے اس سلسلے میں ملک کے بڑے ایئرپورٹس پر مسافروں کے لیے جدید ٹیکنالوجی متعارف کرائی جائے گی۔

اس حوالے سے سی اے اے ذرائع کا کہنا ہے کہ ملک کے بڑے انٹرنیشنل ائیرپورٹ پر ای گیٹ نصب کئے جائیں گے، پہلے مرحلے میں ای گیٹ جناح انٹرنیشنل، نیو اسلام آباد اور لاہور کے علامہ اقبال ائیرپورٹ پر نصب ہوں گے، سول ایوی ایشن اتھارٹی نے ای گیٹ کے لئے ٹینڈر بھی طلب کرلئے ہیں۔

پاکستان سول ایوی ایشن اتھارٹی نے منصوبے کے لیے ٹینڈر نوٹس کے اشتہارات بھی جاری کردیئے دلچسپی رکھنے والی کمپنیاں15 جنوری تک ٹینڈرز جمع کروا سکیں گی۔

ملک کے ائیر پورٹ پر اب مسافروں کو نہ پاسپورٹ دکھانا پڑے گا نہ ٹکٹ دکھانے کی زحمت کرنا ہوگی، مسافر ایئرپورٹ پر داخل ہوتے ہی ای گیٹ کے ذریعے پاسپورٹ اسکین ،ٹکٹ اسیکن کرکے بورڈنگ کارڈ حاصل کرکے جہاز میں سوار ہوسکتے ہیں۔

حکام کا کہنا ہے کہ اس جدید ٹیکنالوجی سے مسافروں کو عالمی سفری سہولت میسر ہوں گی، ای گیٹس خود بخود سیلف سروس رکاوٹیں ہیں جو مسافر کی شناخت کی تصدیق کے لئے بائیو میٹرک پاسپورٹ میں چپ میں موجود ڈیٹا کو استعمال کرتی ہیں۔

مسافر چہرے ، فنگر پرنٹ ، آئیرس پہچان یا اس طریقہ کار کا مجموعہ استعمال کرکے بائیومیٹرک تصدیق سے گزرتے ہیں۔ شناخت کا عمل مکمل ہونے کے بعد جسمانی رکاوٹ جیسے گیٹ یا ٹرنسٹائل گزرنے کی اجازت دینے کے لئے کھل جاتی ہے۔

Comments

یہ بھی پڑھیں