انتخابی ریلی کے دوران بھارتی وزیر اعظم نریندر مودی پر موبائل فون پھینک دیا گیا۔
بھارتی میڈیا کے مطابق یہ واقعہ ریاست کرناٹک میں جاری انتخابی مہم میں اس وقت پیش آیا جب وزیراعظم میسورو روڈ شو میں شریک تھے۔
ویڈیو میں دیکھا جاسکتا ہے کہ نریندر مودی ٹرک پر سوار ہو کر قافلے کی صورت میں مجمع کے درمیان تھے کہ اس دوران ان کی جانب موبائل فون پھینکا گیا۔
🔴Security Breach at PM #Modi’s roadshow in #Mysuru. Mobile phone thrown at convoy. 2nd such incident in a week after #Kochi, while police says the phone was hurled out of “excitement” by a woman BJP worker who had no “ill-intention”. SPG has returned the phone. pic.twitter.com/Wusvph1uyO
— IDU (@defencealerts) April 30, 2023
فون ٹرک پر جالگا اور وزیراعظم کی سیکورٹی پر مامور اہلکار صورتحال پر الرٹ ہو گئے اور واقعے کا جائزہ لینے لگے۔
پولیس کا کہنا ہے کہ موبائل فون بی جے پی کی خاتون رکن کی جانب سے غیرارادی طور پر پھینکا گیا جس میں ان کے کوئی پوشیدہ عزائم نہیں تھے۔
سیکورٹی کلینئرس کے بعد موبائل فون خاتون کو واپس کر دیا گیا اور مذکورہ رکن کو بغیر کارروائی کے جانے دیا گیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں